ອົງ​ການ​ການ​ຄ້າ​ໂລກ ​ໄດ້​ສະ​ເ​ໜີ​ໃຫ້ ສປປ ລາວ ເຂົ້າເປັນສະມາຊິກແລ້ວ

ອົງ​ການ​ການ​ຄ້າ​ໂລກ WTO ​ໄດ້​ສະ​ເ​ໜີ​ໃຫ້ ສປປ ລາວ ​ປະ​ເທດ ຄອມ​ມີ​ວ ນີສທີ່​ຍາກຈົນ ​ປົກຄອງ​​ໂດຍ​ພັກ​ການ​ເມືອງພັກ​ດຽວນັ້ນ​ ​ເຂົ້າ​ໄປ​ເປັນ​ສະມາຊິກໄດ້ ຫຼັງ​ຈາກ​​ໄດ້​ເຈ​ລະ​ຈາ​ກັນ​ຢ່າງ​ຊ້າໆມາ​​ ເປັນ​ເວລາ​ຫຼາຍ​ປີ ຊຶ່ງ​ໃນ​ໄລ ຍະ​ດັ່ງກ່າວ​ນີ້ ສປປ.ລາວ ຊຶ່ງ​ເປັນ ​ປະ​ເທດທີ່​ຕັ້ງ​ຢູ່​ໃນ​ຂົງ​ເຂດ​​ເອ​ເຊຍຕາ​ເວັນ​ອອກສຽງ​ໃຕ້ ​ໄດ້​ຫັນ​ເຫ​ ການເສດຖະກິດ​ຂອງ​ຕົນ ອອກ​ຈາກ​​ເສດຖະກິດ​ລວມສູນ ທີ່ຢູ່​ພາຍ​ ໃຕ້​ການຄວບ​ຄຸມ​ຂອງລັດ​ນັ້ນ ​ໄປ​ສູ່ເສດຖະກິດ​ທີ່​ອິງ​ໃສ່​ຕະຫຼາດ. ຫຼັງ​ຈາກ​ໄດ້​ເຈລະຈາ​ຕໍ່​ຮອງ​ກັນ​ມາ​ໄດ້ 15 ປີ ອົງການ​ການ​ຄ້າ​ໂລກ ຫຼື WTO ​ກໍ​ໄດ້​ເຊື້ອ​ເຊີນຢ່າງ​ເປັນ​ທາງ​ການ ​ໃຫ້​ລາວ​ເຂົ້າ​ໄປ​ເປັນສະມາຊິກ​ຂອງ​ຕົນ ​​ເມື່ອ​ວັນ​ສຸກ​ຜ່ານ​ມາ​ນີ້. ການ​ເຊື້​ອ​ເຊີນ​ດັ່ງກ່າວ​ແມ່ນ​​ເປັນ​ການ​ຮັບ​ຮູ້ ​ເຖິງ​ຄວາມ​ພະຍາຍາ​ມສູ້​ຊົນຂອງ​ ສປປ ລາວ​ ​ໃນ​ການປ່ຽນ​ແປງກົດໝາຍ​ແລະ​ນະ​ໂຍບາຍ​ຕ່າງໆ​ໃຫ້ສອດ ຄ່ອງ​ກັບຂໍ້​ກໍານົດຂອງ​ອົງການ​ການ​ຄ້າ​ໂລກ ​​ແລະ​ຄວາມ​ຮຽກຮ້ອງ​ຕ້ອງການ​​ເພື່ອເຂົ້າຫາ​ຕະຫຼາດ​ ຂອງ​ຫຼາຍ​ກວ່າ 150 ສະມາຊິກ​ຂອງ​ອົງການ. ນອກ​ນີ້​ແລ້ວ ກໍ​ເປັນ​ຍ້ອນ​ວ່າ ສປປ.ລາວ ມີ​ການ​ເຕີບ​ໂຕ​ທາງ​ເສດຖະກິດ ຢ່າງ​ສະ​ໝໍ່າສະ​ເໝີ ​ໃນ​ອັດຕາ​ສະ​ເລ່ຍສູງ​ກວ່າ 6 ​ເປີ​ເຊັນ​ ຕະຫຼອດ​ຫຼາຍ​ປີທີ່ຜ່ານ​ມາ​ນີ້ ຊຶ່ງ​ປີ​ນີ້ອາດຈະ​ເຕີບ​ໂຕ​ເຖິງ​ 8 ​ເປີ​ເຊັນ​ໄດ້ ຊຶ່ງຈະ​ເປັນ​ອັດ ຕາ​ທີ່​ສູງ​ທີ່​ສຸດ​ໃນຂົງ​ເຂດ​ເອ​ເຊຍ​ຕາ​ເວັນ​ອອກສຽງ​ໃຕ້. Michael Ewing-Chow ​​ປະທານສູນ​ກາງ​ກົດໝາຍ​ສາກົນ​ຂອງ​ WTO ປະ​ຈໍາ​ສິງ​ຄະ​ໂປ ກ່າວ​ວ່າ ການ​ເປັນ​ສະ​ມາ​ຊິກ​ຂອງ​ ສປປ.ລາວ ​ໝາຍ​ເຖິງ​ການໄດ້​ຮັບ​ຜົນ​ປະ​ໂຫຍ​ດຕ່າງໆ​ຈາກ WTO ​ແຕ່​​ໃນ​ຂະນະ​ດຽວ​ກັນ ມັນ​ກໍ​ເປັນ​ສັນຍາ​ນ ບອກ​ເຖິງການ​ປ່ຽນ​ແປງ​ຂັ້ນ​ພື້ນຖານຫຼາຍ​ກວ່າ​ ສໍາ​ລັບ​ສປປ.ລາວ. ທ່ານ ຢູອິງ ຊາວ ກ່າວ​ວ່າ​:  “ຄຸນຄ່າ​​ໂຕຈິງຂອງ​ລາວ ​ແທ້ໆ​ແລ້ວ ກໍ​ແມ່ນ​ວ່າ ລາວ​ກໍາລັງ​ຫັນ​ເຫ​ການ​ເສດຖະກິດ​ຂອງ​ຕົນ​ ອອກ​ຈາກການ​​ເປັນ​ເສດ ຖະກິດ​ທີ່ລວມສູນ​ແລະ​ວາງ​ແຜນ​ໂດຍສູນ​ກາງ ໃນ​ອະດີດ​ນັ້ນ ​ໄປ​ສູ່​ລະບົບ​ທີ່​ ບັດ​ນີ້ ​ເຂົາ​ເຈົ້າສຶກສາ​ເບິ່ງ​ວິທີ​ການ​ທີ່​ດີ​ທີ່​ສຸດ​ ເພື່ອ​ຈະສ້າງຕັ້ງ​ ວິ​ສາ​ຫະກິດ ຕະຫຼາດ​ເສລີ​ໃນ​ປະ​ເທດ​ຂອງ​ຕົນ.”ສປປ ລາວ ຊຶ່ງ​ເປັນ​ປະ​ເທດ​ນ້ອຍ ທຸກ​ຈົນ ​ແລະ​ບໍ່​ມີ​ທາງ​ອອກ​ສູ່​ທະ​ເລນັ້ນ ​ແມ່ນປົກຄອງ​​ໂດຍ​ພັກ​ຄອມ​ມີ​ວນີສ​ພັກ​ດຽວ ທີ່​ໄດ້​ເຂົ້າກໍາ​ອໍານາດ​ ໃນ​ປີ 1975 ນັ້ນ ​ເປັນ​ຕົ້ນມາ​.

ສະຫະລັດຊ່ວຍເຝິກອົບລົມເຈົ້າໜ້າທີ່ພາສີລາວ ເພື່ອກຽມເຂົ້າ WTO
x

ສະຫະລັດຊ່ວຍເຝິກອົບລົມເຈົ້າໜ້າທີ່ພາສີລາວ ເພື່ອກຽມເຂົ້າ WTO

​​ດັ່ງ​ດຽວ​ກັບບັນດາ​ປະ​ເທດ​ຄອມ​ມີ​ວນີສສ່ວນ​ໃຫຍ່ ​ເສດຖະກິດ​ຂອງ​ລາວ​ແມ່ນຖືກ​ຄວບ​ຄຸມ​ໂດຍສູນ​ກາງ ກໍ​ຄືລັດ​ຖະບານ ທີ່​ໄດ້​ເຂົ້າ​ຮ່ວມ​ກຸ່ມ​ກັບ​ບັນດາ​ປະ​ເທດ​ໃນ​ອະດີດ​ສະຫະ ພາບໂຊ​ຫວຽດ. ​ແຕ່​ຈາກ​ກາງ​ຊຸມປີ 1980 ​ເປັນ​ຕົ້ນ​ມາ ລັດຖະບານ ​ສປປ ລາວ ​​ໄດ້ ຄ່ອຍໆ​ກ້າວ​ໄປ​ສູ່ ລະບົບເສດຖະກິດ ​ທີ່​ອາ​​ໄສ​ຕະຫຼາດຫຼາຍ​ຂຶ້ນ. ມາ​ບັດ​ນີ້ ສປປ.ລາວ ທີ່​ຄັ້ງ​ນຶ່ງ​ເຄີຍ​​ເພິ່ງ​ພາການ​ຊ່ວຍ​ເຫຼືອ​ຈາກ​ຕ່າງປະ​ເທດ ນັ້ນ ກໍ​ກໍາລັງ​ກາຍ​ມາເປັນ​ຈຸ​ດໝາຍ​ປາຍທາງທີ່​ສໍາຄັນ​ແຫ່ງ​ນຶ່ງ ​ຂອງ​ການ​ລົງທຶນຂອງ​ຕ່າງປະ​ເທດ​ ຊຶ່ງ​ສະ​ເພາະ​ປີ​ນີ້ມູນ​ຄ່າ​ການ​ລົງທຶນ​ໃນ​ ສປປ.ລາວ ​ແມ່ນ​ສູງ​ກາຍສອງພັນ​ລ້ານ​ໂດ​ລາ​. ສປປ.ລາວ ​ເປັນ​ປະ​ເທດ​ສຸດ​ທ້າຍ​ໃນ​ກຸ່ມ​ 10 ປະ​ເທດ​ສະມາຊິກ​ອາ​ຊ່ຽນ ທີ່ ຖືກ​ຕ້ອນຮັບ​ເຂົ້າສູ່​ ອົງການ​ການ​ຄ້າ​ໂລກ. ທ່ານ Peter Ungphakorn ​ເຈົ້າໜ້າ​ທີ່​ຝ່າຍ​ຂໍ້​ມູນ​ຂອງ WTO ກ່າວ​ວ່າ ຫຼັງ​ຈາກ ​ສປປ.ລາວ ​ໄດ້​​ຮັບຮອງ​ເອົາຂໍ້​ຕົກລົງນັ້ນແລ້ວ ສະມາຄົມ​ອາ​ຊ່ຽນ​ກໍ​ຈະ​ສາມາດ​ປາກ​ເວົ້າ​​ເປັນສຽງ​ດຽວ​​ໄດ້ ຢູ່​ໃນ WTO ນັ້ນ. ທ່ານ ພີ​ເຕີ້ ອັງ​ພະ​ກອນ ກ່າວ​ອີ​ກວ່າ ການ​ເປັນ​ສະມາຊິກ​ກໍ​ອາດ​ສາມາດ​ຊ່ວຍ​ສົ່ງ​ເສີມ​ການ​ເຕີບ​ໂຕຂອງ​ເສດຖະກິດ​ລາວຫຼາຍ​ຂຶ້ນ ດັ່ງ​ທີ່​​ໄດ້​ເກີດ​ຂຶ້ນ ກັບ​ຈີນ ​ແລະ​ຫວຽດນາມ ທີ່​ເຄີຍ​ມີລະບົບ​ເສດຖະກິດ​ລວມສູນ​ເຊ່ນ​ກັນ​ນັ້ນ. ທ່ານ ອັງ​ພະ​ກອນ ​ກ່າວອີກ​ວ່າ: “ນອກ​ນີ້​ແລ້ວ ​ກໍ​ຈະ​ເຮັດ​ໃຫ້​ລາວ​ສາມາດ​ດຶງ​ດູດ​ເອົາ ນັກ​ລົງທຶນຕ່າງປະ​ເທດ​​ໄດ້ຫຼາຍ​ຂຶ້ນ ​ເພາະວ່າ​ລາວ​ຈະ​ສະ​ແດງ​ໃຫ້​ ໂລກ​ຮູ້​ວ່າ​ຕົນ ສາມາດນໍາ​ໃຊ້​ຫຼັກການ​ທີ່ຄາດ​ການ​ລ່ວງ​ໜ້າ​ໄດ້ ມີ​ຄວາມໂປ່​ງ​ໃສ ​ແລະມີ​ກົດ​ເກນ​ ຕໍ່​ການ​ເສດຖະກິດ​ຂອງ​ຕົນ​ໄດ້.” ປັດຈຸບັນ​ນີ້ ບັນດາ​ປະ​ເທດ​ລົງທຶນ​ລາຍ​ໃຫຍ່​ທີ່​ສຸດ​ໃນ​ລາວ ຍັງ​ເປັນ​ພາຄີ ການ​ຄ້າ ​ແລະ​ປະ​ເທດ​ເພື່ອນ​ບ້ານ​ທີ່​ສໍາຄັນຂອງ​ລາວ​ອີກ​ດ້ວຍ ​ຄື ຈີນ ​ໄທ ​ແລະ ຫວຽດນາມ.
​ແຕ່​ການ​ລົງທຶນ​ໂດຍ​ສ່ວນ​ໃຫຍ່ ​ແມ່ນ​ໃນ​ດ້ານ​ຊັບພະຍາກອນ​ທໍ​າມະ​ຊາດ ​ເຊັ່ນ​ການ​ກະ​ເສດ ​ໄຟຟ້າ​ນໍ້າຕົກ ​ແລະ​ການ​ຂຸດ​ຄົ້ນ​ບໍ່​ແຮ່ ຊຶ່ງ​ສ່ວນ​ໃຫຍ່​ກໍ ​ແມ່ນ​ສົ່ງ​ອອກຂາຍ ​ໃຫ້​ປະ​ເທດ​​ເພື່ອນ​ບ້ານ​​ເຊ່ນ​ກັນ. ບັນດາ​ນັກວິ​ເຄາະ​ກ່າວ​ວ່າ ການ​​ໄດ້​ເຂົ້າ​ເປັນ​ສະມາຊິກຂອງ WTO ນັ້ນ ກໍ​ໜ້າ​ຈະ​ຊ່ວຍ​ໃຫ້ການ​ລົງທຶນ​ຂອງ​ຕ່າງປະ​ເທດແລະ​ການ​ຄ້າໃນ​​ລາວ ມີຄວາມ​ຫຼາກ​ຫຼາຍ​ຂຶ້ນ ​ໂດຍ​ຫັນໄປ​ສູ່​ພາກ​ສ່ວນ​ອື່ນໆ​ນໍາ. Nicolai Imboden ​ເປັນ​ຜູ້​ອໍານວຍ​ການ​ບໍລິຫານ ສູນ​ກາງ​​ຄວາມ​ຄິດ ຫຼື Idea Center ທີ່​ນະຄອນເຈ​ນີວາ ປະ​ເທດ​ສວິດ​ເຊີ​ແລນ​ດ໌ ຊຶ່ງ​ເປັນກຸ່ມ​ຈັດ​ຕັ້ງທີ່​​ໃຫ້ການ​ຊ່ວຍ​ເຫຼືອ​​ແກ່​ບັນດາປະ​ເທດພວມພັດທະນາ​ ​ໃນ​ເລື່ອງການ​ ລວມຕົວ​ເຂົ້າຢູ່​ໃນ​ໂລກ​ເສດຖະກິດ. ທ່ານ Imboden ກ່າວຕໍ່​ວີ​ໂອ​ເອ​ຜ່ານ​ທາງສ​ໄກ້ພ໌ ວ່າ ​ແຕ່ລາວ​​ຍັງ​ບໍ່​ສາມາດ​ທີ່​ຈະແຂ່ງຂັນ​ກັບ ປະ​ເທດ​ອື່ນ​ໆ​ໄດ້​ເທື່ອ ໃນ​ຖານະເປັນຖານ​ຜະລິດ ສະ​ນັ້ນ​ ບໍລິສັດ​ຕ່າງໆ​ຂອງ​ຢູ​ໂຣບ​ແລະ​ອະ​ເມ​ຣິກາ ​ແມ່​ນຈະ​​ເຂົ້າ​ໄປລົງທຶນ ຊ້າ​ກວ່າ. ທ່ານ ອິນ​ໂບ​ເດັນ​ ກ່າວ​ວ່າ: “​ໄທ​ເປັນ​ຜູ້​ລົງທຶນ​ທີ່​ໃຫຍ່​ຫຼາຍ​ໃນ​ລາວ. ບັດ​ນີ້ ຫວຽດ ນາມ​ກໍ​ເລີ່​ມ​ແລ້ວ. ສິງ​ຄະ​ໂປ​ກໍ​ມີຫຼາຍ​ຄື​ກັນ ​ຂ້າພະ​ເຈົ້າ​ຄິດ​ວ່າ ເກົາຫຼີ​​ໃຕ້​ກໍ​ຈະ​ເຂົ້າມານໍາ. ​ແລະ ດັ່ງ​ທີ່​ທ່ານຮູ້​ຫັ້ນ​ແຫລະ ​ເປັນ​ທີ່​ແຈ້ງ​ຂາວ​ວ່າ ​ເວລາ​ນີ້ ກໍາລັງ​ມີ​ກາ​ນ​ເຄື່ອນຍ້າຍຈາກ​ຖານຜະລິດ​ຕົ້ນ​ທຶນ​ຕໍ່າ​ໃນ​ປະ​ເທດຈີນ ​ລົງໄປ​ທາງ​ພາກ​ໃຕ້ ​ແລະ​ຂ້າພະ​ເຈົ້າຄິດ​ວ່າ​ ລາວ​ກໍ​ຈະມີ​ສ່ວນ​​ໄດ້​ຮັບ​ຜົນ​ປະ​ ​ໂຫຍ​ດຈາກການ​ເຄື່ອນ​ໄຫວດັ່ງກ່າວນີ້​.” ສະມາຄົມ​ອາ​ຊ່ຽນ ມີ​ແຜນການ​ຈະ​ຕັ້ງ​ປະຊາ​ຄົມ​ເສດຖະກິດ​ນຶ່ງຂຶ້ນມາ ​ໃນທ້າຍ​ປີ 2015 ​ເພື່ອ​ເຊື່​ອມ​ໂຍງຂົງ​ເຂດທັງ​ໝົດ. ສ່ວນ​ຈີນກໍ​ກໍາລັງ​ວາງ​ແຜນການ​ທີ່​​ໃຊ້​ຈ່າຍ​ເງິນ​ຫຼາຍ​ພັນ​ລ້ານ​ໂດ​ລາ​ເຂົ້າ​ໃສ່ ​ໃນ​ໂຄງການ​ລົດ​ໄຟ ​ແລະ​ຖະໜົນ​ເຊື່​ອມຕໍ່ຕ່າງ​ໆ ຜ່ານ​ລາວ.

ຜູ້ນຳ 50 ຄະນະ ຢືນຢັນຈະເຂົ້າຮ່ວມກອງປະຊຸມອາເຊັມ 9

(ຂປລ): ກອງປະຊຸມສຸດຍອດ ອາຊີ-ເອີຣົບ ຄັ້ງທີ 9 (ASEM-9) ທີ່ ສປປ ລາວ ເປັນເຈົ້າພາບຈັດຂຶ້ນໃນວັນທີ 05-06 ພະຈິກ 2012 ທີ່ນະຄອນຫລວງວຽງຈັນ. ມາຮອດ ປະຈຸບັນ ການກະກຽມຄວາມພ້ອມໂດຍສະເພາະແມ່ນໂຄງການກໍ່ສ້າງຕ່າງໆ ທີ່ຈະຮອງຮັບກອງປະຊຸມອາເຊັມ 9 ແມ່ນດຳເນີນໄປຕາມແຜນການ ແລະ ພ້ອມຮັບໃຊ້ກອງປະຊຸມ ສຸດຍອດຄັ້ງນີ້. ຂະນະດຽວກັນ ກໍມີ 51 ຄະນະ ຊຶ່ງມີ 49 ປະເທດສະມາຊິກອາເຊັມ, ສະຫະພາບເອີຣົບ ແລະ ກອງເລຂາອາຊຽນ, ໃນນັ້ນມີ 20 ປະເທດຈາກອາຊີ ແລະ ກອງເລຂາອາຊຽນ, ມີ 30 ປະເທດຈາກເອີຣົບ ແລະ ສະຫະພາບເອີຣົບ ແລະ ຈະໄດ້ຮັບຮອງເປັນສະມາຊິກໃໝ່ 3 ປະເທດຄື: ບັງກະລາເດັດ, ສະວິດ ແລະ ນອກແວ. ມາຮອດປະຈຸບັນ ມີຜູ້ນຳໄດ້ຕອບຢືນຢັນຈະເຂົ້າຮ່ວມແລ້ວ 50 ຄະນະ, ໃນນັ້ນ ມີລະດັບປະມຸກລັດ 14 ທ່ານ, ລະດັບຫົວໜ້າລັດຖະບານ 21 ທ່ານ, ລະດັບຮອງນາຍົກ 2 ທ່ານ, ລະດັບລັດຖະມົນ ຕີວ່າການ 12 ທ່ານ ແລະ ລະດັບລັດຖະມົນຕີຊ່ວຍວ່າການ 1 ທ່ານ. ພ້ອມກັນນີ້ ຍັງມີ 4 ປະເທດ ທີ່ສະເໜີເຂົ້າຢ້ຽມຢາມເປັນທາງການສອງຝ່າຍ ແລະ ມີ 13 ປະເທດຂໍພົບປະສອງຝ່າຍ.

ຂໍ້ມູນດັ່ງກ່າວ ໄດ້ຮັບການຖະແຫລງຈາກ ທ່ານ ດຣ. ທອງລຸນ ສີສຸລິດ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຕໍ່ສື່ມວນຊົນໃນວັນທີ 23 ຕຸລາ 2012 ທີ່ກະຊວງການຕ່າງປະເທດ ແລະ ໃນໂອກາດນີ້ ທ່ານຍັງໃຫ້ຮູ້ເຖິງ ຄວາມໝາຍສຳຄັນໃນການເປັນເຈົ້າພາບ ກອງປະຊຸມສຸດຍອດອາຊີ-ເອີຣົບ ຂອງ ສປປ ລາວ ໃນຄັ້ງນີ້ ຊຶ່ງຖືວ່າເປັນກຽດອັນສູງສົ່ງ, ເປັນເຫດການປະຫວັດສາດອັນຍິ່ງໃຫຍ່ ແລະ ສຳຄັນອັນໜຶ່ງ ໂດຍຈະມີບັນດາປະມຸກລັດ, ຫົວໜ້າລັດຖະບານຈາກພາກພື້ນອາຊີ ແລະ ເອີຣົບ ເຂົ້າ ຮ່ວມ; ເປັນໂອກາດອັນດີ ສຳລັບ ສປປ ລາວ ໃນການຍົກຖານະບົດບາດຂອງຕົນ ຂຶ້ນອີກລະດັບໜຶ່ງໃນເວທີພາກພື້ນ ແລະ ສາກົນ; ເຮັດໃຫ້ສະມາຊິກອາເຊັມ ຮູ້ແນວທາງນະໂຍ ບາຍເປີດກວ້າງການພົວພັນຮ່ວມມືກັບຕ່າງປະເທດຂອງລາວ ໃນລະດັບພາກພື້ນ ແລະ ສາກົນ ໂດຍສອດຄ່ອງຕາມແນວທາງການຕ່າງປະເທດສັນຕິພາບ, ເອກະລາດ, ມິດຕະ ພາບ ແລະ ການຮ່ວມມືຂອງພັກ-ລັດເຮົາ; ເປັນການສະແດງເຈດຕະນາລົມດ້ານການເມືອງຂອງລັດຖະບານລາວ ໃນການເປັນເຈົ້າການຮ່ວມມືຢ່າງຈິງໃຈ ແລະ ສ້າງຄວາມໄວ້ເນື້ອ ເຊື່ອໃຈ ກັບບັນດາ ປະເທດອາຊີ ແລະ ເອີຣົບ ກໍຄືກັບສາກົນ; ນຳໃຊ້ກາລະໂອກາດໃນການຈັດກອງປະຊຸມສຸດຍອດຄັ້ງນີ້ ເປັນການປະກອບສ່ວນເຂົ້າໃນການສົ່ງເສີມ ແລະ ປົກປັກ ຮັກສາສັນຕິພາບ, ສະເຖຍລະພາບໃນພາກພື້ນ ອາຊີ-ເອີຣົບ ແລະ ໃນໂລກ ເພື່ອສ້າງເງື່ອນໄຂອັນດີ ໃນການສ້າງສາພັດທະນາເສດຖະກິດ-ສັງຄົມຂອງລາວ; ຈະສາມາດ ຖອດຖອນບົດຮຽນ ແລະ ປະສົບການຄັ້ງສຳຄັນ ໃຫ້ແກ່ປະເທດເຮົາ ໃນການຈັດກອງປະຊຸມສາກົນ, ລະດັບພາກພື້ນ ແລະ ລະດັບໂລກ; ເປີດໂອກາດໃຫ້ປະເທດສະມາຊິກ ອາເຊັມເຂົ້າໃຈສະພາບຄວາມເປັນຈິງຂອງການພັດທະນາຢູ່ ສປປ ລາວ. ພ້ອມກັນນີ້ ຍັງເປັນການເພີ່ມທະວີການຮ່ວມມື ແລະ ສົ່ງເສີມການເຊື່ອມໂຍງດ້ານເສດຖະກິດກັບບັນ ດາປະເທດໃນພາກພື້ນອາຊີ ແລະ ເອີຣົບ ເພື່ອສົ່ງເສີມການສົ່ງອອກສິນຄ້າຂອງລາວ ແລະ ດຶງດູດການລົງທຶນຈາກຕ່າງປະເທດ; ຍາດແຍ່ງການສະໜັບສະໜູນຊ່ວຍເຫລືອດ້ານ ທຶນຮອນ, ວິຊາການ, ເຕັກໂນໂລຊີ ແລະ ຖອດຖອນບົດຮຽນດ້ານຕ່າງໆ ເພື່ອມາໝູນໃຊ້ເຂົ້າໃນການພັດທະນາເສດຖະກິດ-ສັງຄົມ ພາຍໃນປະເທດ ໃຫ້ມີການຂະຫຍາຍຕົວ ເປັນກ້າວໆ; ເປັນການລະດົມການສະໜັບສະໜູນຈາກສະມາຊິກອາເຊັມ ໃນການເຈລະຈາເຂົ້າເປັນສະມາຊິກອົງການການຄ້າໂລກ ຂອງ ສປປ ລາວ ຊຶ່ງຖືກຮັບຮອງເອົາຢ່າງ ເປັນທາງການ ໃນວັນທີ 26 ຕຸລາ 2012 ນີ້. ໃນຂະນະດຽວກັນ ກໍຍັງເປັນໂອກາດອັນດີ ເພື່ອເຜີຍແຜ່ວັດທະນະທຳ, ຮີດຄອງປະເພນີອັນດີງາມ ແລະ ຄວາມເປັນເອກະລັກ ຂອງຊາດລາວ ອອກສູ່ສາຍຕາປະຊາຊົນທັງ ສອງພາກພື້ນ. ລວມທັງດຶງດູດນັກທ່ອງທ່ຽວເຂົ້າມາທ່ຽວລາວ ໃຫ້ນັບມື້ຫລາຍຂຶ້ນ ໂດຍສະເພາະແມ່ນການ ໂຄສະນາເຜີຍແຜ່ປີທ່ຽວ ທ່ຽວລາວ ໃນປີ 2012 ເຊັ່ນດຽວກັນ.

ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຍັງໃຫ້ຮູ້ອີກວ່າ: ໃນມື້ດຳເນີນກອງປະຊຸມ ວັນທີ 05-06 ແມ່ນຈະໄດ້ປິດໂຮງຮຽນ ເພື່ອສະດວກ ໃນການສັນຈອນ ໂດຍຈະມີເຈົ້າໜ້າທີ່ຕຳຫລວດຈະລາຈອນ ອຳນວຍຄວາມສະດວກໃຫ້ແກ່ການສັນຈອນໄປ-ມາ ຂອງປະຊາຊົນ ແລະ ການເຄື່ອນຂະບວນຂອງຄະນະຜູ້ແທນ ໃນນະຄອນຫລວງວຽງຈັນ. ສຳລັບນັກຂ່າວ ກໍຄື ສື່ມວນຊົນຈາກຕ່າງປະ ເທດ ປະຈຸບັນ ມີນັກຂ່າວປມານ 400 ກວ່າຄົນ ໄດ້ລົງທະບຽນແລ້ວ, ໃນນີ້ ບໍ່ນັບນັກຂ່າວທາງການ ທີ່ຕິດຕາມຄະນະຜູ້ແທນ ໂດຍໄດ້ມີການກະກຽມສູນຂ່າວພາຍໃນ ແລະ ຕ່າງປະເທດ ຢູ່ສູນຫລັກ 5 ICTC, ມີການກະກຽມບໍລິການຄົບຊຸດ ເປັນຕົ້ນການຮັບປະກັນການນຳໃຊ້ ອິນເຕີເນັດ, ການສົ່ງສັນຍານດາວທຽມຖ່າຍທອດສົດ ແລະ ອື່ນໆ./.

ຕີມໍ vs ລາວ AFFຊູຊູກິ ຄັບ 2012 ທີ່ມຽນມາ

ລາວຮີບຮ້ອນຮ່າງກົດໝາຍ (ຂພສ) ເພື່ອນຳສະເໜີກອງປະຊຸມສະພາທ້າຍປີ 2012

ລາວຮີບຮ້ອນຮ່າງກົດໝາຍ (ຂພສ) ເພື່ອນຳສະເໜີກອງປະຊຸມສະພາທ້າຍປີ 2012

* ລັດຖະບານລາວເລັ່ງຮ່າງກົດໝາຍວ່າດ້ວຍເສດຖະກິດພິເສດ ຮີບດ່ວນເພື່ອຈະນຳສະເໜີຕໍ່ກອງປະຊຸມສະໄໝສາມັນຂອງສະພາແຫ່ງຊາດໃນວາລະທ້າຍປີ 2012 ໃນການພິຈາ ລະນາ ແລະ ຮັບຮອງເອົາ, ຂະນະທີ່ຄະນະກຳມະການແຫ່ງຊາດເພື່ອຄຸ້ມຄອງເຂດເສດຖະກິດພິເສດ ແລະ ເຂດເສດຖະກິດສະເພາະເຫັນວ່າ ຖ້າກົດໝາຍສະບັບດັ່ງກ່າວຫາກ ຖືກຮັບຮອງ ແລະ ປະກາດໃຊ້ຢ່າງເປັນທາງການກໍຈະກາຍເປັນເຄື່ອງ ມືນິຕິກຳ ເພື່ອດຶງດູດການລົງທຶນ ແລະ ການພັດທະນາເຂດເສດຖະກິດພິເສດຢູ່ ສປປ ລາວ ໃຫ້ປາກົດເປັນ ຈິງ ແລະ ມີປະສິດທິຜົນປະກອບສ່ວນ ແລະ ກະຕຸກຊຸກຍູ້ການພັດທະນາເສດ-ສັງຄົມຂອງຊາດ.

ກອງປະຊຸມທາບທາມຮ່າງກົດໝາຍວ່າດ້ວຍເຂດເສດຖະກິດພິເສດໄດ້ໄຂຂຶ້ນໃນວັນທີ 9 ຕຸລາ 2012 ຢູ່ສູນຮວ່ມມືສາກົນລາວ-ຍີ່ປຸ່ນ ນະຄອນຫລວງວຽງຈັນ ໂດຍການເປັນປະ ທານຂອງທ່ານນາງ ບຸນເພັງ ມູນໂພໄຊ ກຳມະການສູນກາງພັກ, ລັດຖະມົນຕີປະຈຳຫ້ອງການວ່າການລັດຖະບານທັງເປັນຮອງປະທານ ຜູ້ປະຈຳການຄະນະກຳມະການແຫ່ງຊາດ ເພື່ອຄຸ້ມຄອງເຂດເສດຖະກິດພິເສດ ແລະ ເຂດເສດຖະກິດສະເພາະພ້ອມລັດຖະມົນຕີ, ຫົວໜ້າກົມ, ນັກຊ່ຽວຊານກົດໝາຍ, ຕາງໜ້າຈາກແຂວງພາກເໜືອ-ໃຕ້ ແລະ ພາກ ລັດ-ເອກະຊົນເຂົ້າຮ່ວມກວ່າ 200 ທ່ານ ຊຶ່ງກອງປະຊຸມນີ້ ໄດ້ເປີດໂອກາດໃຫ້ທຸກພາກສ່ວນ ສະແດງຄວາມຄິດຄວາມເຫັນ, ປຶກສາຫາລືແລກປ່ຽນປະສົບການ, ຄວາມຄົ້ນຄວ້າ, ເຈາະຈີ້ມບັນຫາຕ່າງໆໂດຍເລັ່ງໃສ່ເຮັດໃຫ້ກົດໝາຍ ສະບັບນີ້ມີເນື້ອໃນສົມບູນ ແລະ ຄົບຖ້ວນຂຶ້ນກວ່າເກົ່າ.ຈາກນັ້ນຈະໄດ້ຄັດຈ້ອນ ແລະ ລົງເລິກລາຍລະອຽດ ເພື່ອກຽມນຳສະ ເໜີຕໍ່ກອງປະຊຸມສະໄໝສາມັນຂອງສະພາແຫ່ງຊາດໃນວາລະທ້າຍປີ 2012.

ອີງຕາມແຜນການສ້າງ ແລະ ປັບປຸງກົດໝາຍໄລຍະ 5 ປີ ຂອງຄະນະປະຈຳສະພາແຫ່ງຊາດທີ່ໄດ້ກຳນົດໄວ້ວ່າ: ໃຫ້ກົດໝາຍວ່າດວ້ຍເຂດເສດຖະກິດພິເສດ ເປັນໜຶ່ງໃນຈຳນວນ ກົດໝາຍທີ່ຕ້ອງນຳສະເໜີຕໍ່ກອງປະຊຸມສະໄໝສາມັນຂອງສະພາແຫ່ງຊາດໃນວາລະທ້າຍປີ 2012 ນີ້.

ທ່ານນາງ ບຸນເພັງ ມູນໂພໄຊ ກຳມະການສູນກາງພັກ, ລັດຖະມົນຕີປະຈຳຫ້ອງການວ່າການລັດຖະບານ ທັງເປັນຮອງປະທານຜູ້ປະຈຳການຄະນະກຳມະການແຫ່ງຊາດ ເພື່ອຄຸ້ມຄອງ ເຂດເສດຖະກິດພິເສດ ແລະ ເຂດເສດຖະກິດສະເພາະກ່າວວ່າ: ການປະກອບຄຳເຫັນ, ປຶກສາຫາລືແລກປ່ຽນ, ຄົ້ນຄວ້າ ແລະ ຖອດຖອນບົດ ຮຽນຄັ້ງນີ້ເພື່ອປັບປຸງຮ່າງກົດ ໝາຍສະບັບດັ່ງກ່າວໃຫ້ມີເນື້ອໃນຄົບຖ້ວນ ແລະ ຮັດກຸມກວ່າເກົ່າ ຊຶ່ງກົດໝາຍ ນີ້ໄດ້ກຳນົດລະບຽບຄຸ້ມຄອງ ແລະພັດທະນາຮອບດ້ານທີ່ມີຄຸນລັກສະນະສະເພາະແຕກຕ່າງ ກັບກົດໝາຍອື່ນ ເພື່ອສົ່ງເສີມ ແລະ ດຶງດູດການລົງທຶນປະກອບສ່ວນພັດທະນາເສດຖະກິດ-ສັງຄົມແຫ່ງຊາດ ຕາມເນື້ອໃນ 4 ບຸກທະລຸຂອງພັກ ເຊື່ອມເຂົ້າກັບເສດຖະກິດ ຂອງພາກພື້ນ ແລະ ສາກົນຕາມກົນໄກຕະຫລາດທີ່ມີລັກສະນະ ສະເພາະຂອງປະເທດເຮົາໃນການເລີ່ມສ້າງໜໍ່ແໜງອຸດສາຫະກຳ ແລະ ທັນສະໄໝຄືເສັ້ນທາງເຮັດໃຫ້ປະເທດ ຫລຸດພົ້ນອອກຈາກຄວາມດ້ອຍພັດທະນາໃນປີ 2020.

ຜູ້ປະຈຳການຄະນະກຳມະການແຫ່ງຊາດເພື່ອຄຸ້ມຄອງເຂດເສດຖະກິດພິເສດ ແລະ ເຂດເສດຖະກິດ ສະເພາະຍັງກ່າວຕື່ມອີກວ່າ: ຫລາຍປະເທດໄດ້ຕີລາຄາວ່າການສ້າງເຂດເສດ ຖະກິດພິເສດ (ຂພສ) ແມ່ນວິທີດຶງດູດການລົງທຶນທີ່ດີອີກວິທີໜຶ່ງໂດຍສະເພາະປະເທດພວມພັດທະນາທີ່ມີງົບປະມານຈຳກັດ. ຕົວຢ່າງບົດລາຍງານຂອງທະນາຄານໂລກປີ 2010 ສະແດງໃຫ້ເຫັນວ່າ: ການພັດທະນາ ຂພສ ມີການຂະຫຍາຍຕົວໄວ ໃນໄລຍະ 20 ປີຜ່ານມາ ໃນນັ້ນນັບແຕ່ຊຸມປີ 1986 ຂພສ ມີພຽງແຕ່ 176 ເຂດໃນ 47 ປະເທດ ແຕ່ມາ ຮອດປັດຈຸບັນນີ້ ໄດ້ເພີ່ມຂຶ້ນເຖິງ 3. 000 ກວ່າແຫ່ງໃນ 130 ປະເທດທົ່ວໂລກ. ສະເພາະ ສປປ ລາວ ເຮົາເອງຮອດປັດຈຸບັນນີ້, ຂພສ ມີທັງໝົດ 10 ເຂດ ໃນນັ້ນເຂດເສດ ຖະກິດພິເສດ 2 ເຂດ ແລະ ເຂດເສດຖະກິດສະເພາະ 8 ເຂດ. ແນວໃດກໍດີຈຸດພິເສດຂອງຮ່າງກົດໝາຍວ່າດ້ວຍເຂດເສດຖະກິດພິເສດ ເປັນກົດໝາຍແຕກຕ່າງຈາກກົດໝາຍ ທົ່ວໄປເພາະມີຄຸນລັກສະນະພິເສດ ແລະ ສະເພາະຂອງມັນໂດຍຖືເອົາຄຳຂັວນ: (ກ້າຄິດ, ກ້າປະດິດສ້າງ, ກ້າຫັນເປັນລະບຽບກົດໝາຍ, ກ້າຈັດຕັ້ງປະຕິບັດ ແລະ ກ້າຮັບຜິດຊອບ ຈຶ່ງສາມາດບຸກທະລຸກົນໄກອຸດຕັນ ແລະ ບັນຫາຄົງຄ້າງທີ່ມີຢູ່ໃນປັດຈຸບັນ).

ເກີດ​ແຮງ​ສັ່ນສະ​ເທືອ​ນ ​ໃນ​ພື້ນທີ່​ນະຄອນຫລວງ​ຮ່າ​ໂນ້ຍ

ຂ່າວສານ​ຫວຽດນາມ (TTXVN) ລາຍ​ງານ​ວ່າ ​ໄດ້​ເກີດ​ແຮງ​ສັ່ນ​ສະ​ເທືອ​ນຂຶ້ນ ​ໃນ​ພື້ນທີ່​ນະຄອນຫລວງ​ຮ່າ​ໂນ້ຍ ​ເມື່ອ​ເວລາ 10 ​ໂມງ 18 ນາທີ ຂອງ​ວັນ​ທີ 3 ຕຸລາ​ນີ້. ​ໃນ​ຂະນະ​ດຽວ​ກັນ, ແຫ​ລ່ງ ຂ່າວ​ຈາກ​ນະຄອນ​ຫາຍ​ຟ່ອງ ​ແລະ ​ແຂວງ​ກວາງ​ນິງ (ພາກ​ຕາ​ເວັນ​ອອກ​ສ່ຽງ​ເຫນືອ​ຫວຽດນາມ) ກໍ​ໃຫ້​ຮູ້​ວ່າ ​ເກີດ​ແຮງ​ສັ່ນ​ສະ​ເທືອ​ນ​ເບົາໆ​ຂຶ້ນ ​ໃນ​ທ້ອງ​ຖິ່ນ​ເຫລົ່ານີ້ ພ້ອມໆ​ກັນ​ກັບ​ເວລາ​ທີ່​ເກີດ​ແຮງ​ສັ່ນ​ສະ​ເທືອ​ນ​ໃນ​ຮ່າ​ໂນ້ຍ.

ຂ່າວ​ແຈ້ງວ່າ ພະນັກງານ​ທີ່​ເຮັດ​ວຽກ​ຢູ່​ໃນ​ຫ້ອງການ​ຕ່າງໆ ທີ່ຢູ່​ໃນ​ອາຄານ​ສູງ​ຫລາຍ​ຊັ້ນ ຕ່າງ​ກໍ​ຮູ້ສຶກ​ໄດ້​ເຖິງ​ແຮງ​ສັ່ນ​ສະ​ເທືອ​ນທີ່​ກ່າວ​ມານັ້ນ. ສະຖານ​ທີ່​ຕ່າງໆ ນັບ​ທັງ​ໃຈກາງ​ເມືອງ ​ແລະ​​ເມືອງ​ຕ່າງໆ​ໃນ​ນະ​ຄອນ​ຫລວງ​ຮ່າ​ໂນ້ຍ ຕ່າງ​ກໍ​ໄດ້​ແຈ້ງ​ໃຫ້​ຮູ້​ວ່າ​ເກີດ​ແຮງ​ສັ່ນ​ສະ​ເທືອ​ນຂຶ້ນ​ແທ້. ຮອງ​ສາດສະດາຈານ, ດຣ. ຫງວຽນ​ຮົ່ງ​ເຟືອງ, ຮອງ​ຜູ້ອຳນວຍການ​ສູນ​ແຈ້ງ​ເຕືອນ​ແຜ່ນດິນ​ໄຫວ ​ແລະ ​ເຕືອນ​ໄພ​ສຶນາ​ມີ ຂອງ​ຫວຽດນາມ ​ຢັ້ງຢືນ​ວ່າ ​ໄດ້​ເກີດ​​ແຮງ​ສັ່ນ​ສະ​ເທືອ​ນຈາກ​ແຜ່ນດິນ​ໄຫວ​ຂຶ້ນທີ່​ພື້ນທີ່​ນະຄອນຫລວງ ຮ່າ​ໂນ້ຍ. ​ແຕ່​ເຖິງ​ຢ່າງ​ໃດ​ກໍ​ຕາມ, ​ຕົວ​ເລກທີ່​ແທ້​ຈິງ ກ່ຽວ​ກັບ​ເຫດການ​ແຜ່ນດິນ​ໄຫວ​ນັ້ນ ພວມ​ດຳ​ເນີນ​ການ​ຢູ່, ຊຶ່ງ​ຂ່າວ​ຫລ້າ​ສຸດ​ແຈ້ງວ່າ ຈຸດ​ສູນ​ກາງທີ່​ເກີດ​ແຮງ​ສັ່ນສະ​ເທືອ​ນນັ້ນ ​ແມ່ນ​ຢູ່​ທີ່​ນະຄອນ ຫາຍ​ຟ່ອງ.

​ເມື່ອ​ເດືອນ​ມີນາ ປີ 2011, ນະຄອນຫລວງ ຮ່າ​ໂນ້ຍ ກໍ​ເກີດ​ແຮງ​ສັ່ນ​ສະ​ເທືອ​ນ​ເຖິງ​ລະດັບ 5, ຊຶ່ງ​ເກີດ​ຂຶ້ນຫລັງ​ຈາກ​ທີ່​ເກີດ​ເຫດການ​ແຜ່ນດິນ​ໄຫວ ຢູ່​ໃນ​ເຂດ​ຊາຍ​ແດນ ລາວ, ​ໄທ ​ແລະ ມຽນມາ (​ເກີດ​ຂຶ້ນ​ໃນ​ວັນ​ທີ 24 ມີນາ)./.

ກອງປະຊຸມ​ການ​ເປັນ​ຄູ່ຮ່ວມລັດຖະສະພາອາຊີ -​ເອີຣົບ ຄັ້ງທີ 7 ອັດ​ລົງ​ດ້ວຍ​ຜົນ​ສໍາ​ເລັດ​ຢ່າງ​ສະຫງ່າ​ງາມ

  • ກອງປະຊຸມການເປັນຄູ່ຮ່ວມລັດຖະສະພາອາຊີ-ເອີຣົບ ຄັ້ງທີ 7 (ASEP-7) ໄດ້ອັດລົງດ້ວຍຜົນສຳເລັດຢ່າງສະຫງ່າງາມໃນຕອນແລງຂອງວັນທີ 4​ ຕຸລາ2012 ນີ້ ທີ່ໂຮງແຮມດອນຈັນພາເລດ, ນະຄອນຫລວງວຽງຈັນ ພາຍຫລັງທີ່ໄດ້ດຳເນີນມາ 2​ ວັນ ໂດຍການເປັນປະທານຂອງພະນະທ່ານ ນາງ ປານີ ຢາທໍ່ຕູ້
    ປະທານອາເຊັບ 7, ປະທານສະພາແຫ່ງຊາດລາວ ໂດຍພະນະທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ, ປະທານກອງປະຊຸມສຸດຍອດ
    ຜູ້ນຳອາຊີ-ເອີຣົບ ຄັ້ງທີ 9 (ASEM-9), ພະນະທ່ານ ຣິກ ຕອຟ, ຫົວຫນ້າຄະນະຜູ້ແທນປະເທດແບນຊິກ  (ປະເທດເຈົ້າພາບກອງປະຊຸມອາເຊັບ – 6 ພ້ອມ
    ດ້ວຍບັນດາຜູ້ແທນ 30 ຄະນະຈາກ 27​ ປະເທດ, 1 ລັດຖະສະພາເອີຣົບ, 3 ອົງການຈັດຕັ້ງສາກົນລວມ 250 ກ່ວາທ່ານ, ຈາກສອງທະວີບອາຊີ-ເອີຣົບ ເຂົ້າ
    ຮ່ວມ. ໃນໂອກາດນີ້ ພະນະທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດລາວທັງເປັນປະທານກອງປະຊຸມອາເຊັບ-7 ໄດ້ໃຫ້ກຽດກ່າວປາໄສອັດກອງປະ
    ຊຸມຢ່າງເປັນທາງການຊຶ່ງບາງຕອນທ່ານກ່າວວ່າ: ຮຽນພະນະທ່ານປະທານຮອງປະທານລັດຖະສະພາບັນດາທ່ານຫົວໜ້າ ແລະ ຄະນະຜູ້ແທນ,
    ບັນດາທ່ານແຂກຜູ້ມີກຽດທ່ານຍິງ,  ທ່ານຊາຍຫລັງຈາກສອງວັນເຕັມທີ່ກອງປະຊຸມຂອງພວກເຮົາດຳເນີນມາພາຍໃຕ້ບັນຍາກາດແຫ່ງຄວາມເຂົ້າອົກເຂົ້າໃຈ
    ຊຶ່ງກັນ ແລະ ກັນ. ມາເຖິງເວລານີ້,  ກອງປະຊຸມການເປັນຄູ່ຮ່ວມລັດຖະສະພາອາຊີ-ເອີຣົບ ຄັ້ງທີ 7 ໄດ້ກ້າວມາເຖິງວາລະສຸດທ້າຍຂອງກອງປະຊຸມ. ຈາກຜົນ
    ຂອງກອງປະຊຸມຄັ້ງນີ້ ໄດ້ເຮັດໃຫ້ສະມາຊິກລັດຖະສະພາທີ່ມາຈາກ 2 ທະວີບອາຊີ ແລະ ເອີຣົບ ໄດ້ມີຄວາມໃກ້ຊິດ,  ມີຄວາມເຂົ້າອົກເຂົ້າໃຈ ແລະ ຮ່ວມມືກັນ
    ແລກປ່ຽນຄວາມເຫັນ ແລະ ສະເໜີແນະວິທີການ ແລະ ມາດຕະການແກ້ໄຂຕໍ່ບັນດາຫົວຂໍ້ທີ່ນຳມາປຶກສາຫາລືຢູ່ໃນກອງປະຊຸມ, ຊຶ່ງບັນດາເນື້ອໃນດັ່ງກ່າວລ້ວນ
    ແຕ່ເປັນບັນຫາຮີບດ່ວນ ແລະ ເປັນສິ່ງທ້າທາຍຕໍ່ຄວາມຫມັ້ນຄົງ, ສະຖຽນລະພາບທາງດ້ານເສດຖະກິດ – ສັງຄົມ ໃນການພັດທະນາແບບຍືນຍົງຂອງປະຊາຄົມ
    ໂລກໃນປະຈຸບັນ. ບັນດາທ່ານຜູ້ແທນ ແລະ ແຂກຮັບເຊີນໄດ້ເປັນເຈົ້າການຄົ້ນຄວ້າ, ປະກອບຄຳເຫັນ ແລະ ພິຈາລະນາຮັບຮອງເອົາເນື້ອໃນສຳຄັນຕ່າງໆຂອງ
    ກອງປະຊຸມດ້ວຍຄວາມເປັນເອກະສັນ,  ບົນຈິດໃຈມິດຕະພາບ ແລະ ການຮ່ວມມືທີ່ສ້າງສັນ. ໃນນາມປະທານກອງປະຊຸມ, ຂ້າພະເຈົ້າຕີລາຄາສູງຕໍ່ຜົນສຳເລັດ
    ຂອງກອງປະຊຸມຄັ້ງນີ້. ບັນດາຂໍ້ມູນຂ່າວສານ, ຄຳຄິດຄຳເຫັນ ແລະ ຂໍ້ສະເໜີແນະຕ່າງໆລ້ວນແຕ່ສ່ອງແສງໃຫ້ເຫັນເຖິງຄວາມເປັນປຶກແຜ່ນ ແລະ ເຈຕະນາລົມ
    ເພື່ອຄວາມສົມບູນພູນສຸກລວມຂອງປະຊາຊົນໃນ 2 ທະວີບ. ຂ້າພະເຈົ້າຂໍສະແດງຄວາມຍ້ອງຍໍຊົມເຊີຍຕໍ່ຄວາມຂະຫຍັນຫ້າວຫັນກໍ່ຄືຄວາມພະຍາຍາມເຂົ້າອົກເຂົ້າ
    ໃຈຊຶ່ງກັນ ແລະ ກັນທີ່ບັນດາທ່ານຜູ້ແທນໄດ້ສະແດງອອກຢ່າງສ້າງສັນຕະຫລອດເວລາການປຶກສາຫາລື ແລະ ຕົກລົງບັນຫາຕ່າງໆ, ໂດຍສະແດງອອກໃນເນື້ອ
    ໃນຂອງຖະແຫລງການອາເຊັບ 7 ຢ່າງເປັນເອກະສັນ ຊຶ່ງຈິດໃຈເນື້ອໃນດັ່ງກ່າວຈະໄດ້ຮັບການນຳສະເໜີຕໍ່ກອງປະຊຸມສຸດຍອດອາຊີ-ເອີຣົບ ( ອາເຊັມ 9) ໃນ
    ຕົ້ນເດືອນພະຈິກ ນີ້. ພ້ອມກັນນັ້ນ, ໃນນາມທີ່ເປັນສະມາຊິກລັດຖະສະພາ, ພວກເຮົາມີໜ້າທີ່ນຳເອົາເນື້ອໃນຈິດໃຈທີ່ຕົກລົງໃນກອງປະຊຸມອາເຊັບ 7 ນີ້ ໄປຈັດ
    ຕັ້ງຜັນຂະຫຍາຍເຂົ້າໃນວຽກງານພາຍໃນຂອງລັດຖະສະພາແຕ່ລະປະເທດ ຊຶ່ງໃນນັ້ນລວມທັງວຽກງານການສ້າງກົດໝາຍ ແລະ ການຕິດຕາມກວດກາການເຮັດ
    ໜ້າທີ່ຂອງລັດຖະບານໃນການຈັດຕັ້ງປະຕິບັດນະໂຍບາຍກ່ຽວຂ້ອງກັບບັນຫາຂ້າງເທິງ. ຂ້າພະເຈົ້າຂໍຂອບໃຈຢ່າງສູງຕໍ່ພະນະທ່ານປະທານ, ຮອງປະທານສະພາ,
    ບັນດາທ່ານຫົວໜ້າ ແລະ ຄະນະຜູ້ແທນ, ບັນດາທ່ານແຂກຜູ້ມີກຽດທັງພາຍໃນ ແລະ ຕ່າງປະເທດ ທີ່ໄດ້ໃຫ້ການສະໜັບສະໜູນການເຂົ້າຮ່ວມ ແລະ ເປັນເຈົ້າ
    ການໃນການດຳເນີນກອງປະຊຸມ, ພ້ອມນີ້, ຂ້າພະເຈົ້າ ຂໍຂອບໃຈຕໍ່ເຈົ້າໜ້າທີ່ຈາກທຸກພາກສ່ວນທີ່ໄດ້ປະກອບສ່ວນເຮັດໃຫ້ກອງປະຊຸມຄັ້ງນີ້ໄດ້ຮັບຜົນສຳເລັດອັນ
    ສະຫງ່າງາມ. ທ້າຍສຸດນີ້, ຂ້າພະເຈົ້າຂໍອວຍພອນໃຫ້ແກ່ບັນດາທ່ານຄະນະຜູ້ແທນກອງປະຊຸມຈົ່ງມີສຸຂະພາບພະລານາໄມສົມບູນ, ມີຄວາມເບີກບານມ່ວນຊື່ນ, ມີ
    ຜົນສຳເລັດໃຫຍ່ຫລວງໃນໜ້າທີ່ວຽກງານ ແລະ ກັບຄືນປະເທດດ້ວຍຄວາມສະຫວັດດີພາບທຸກປະການ. ໃນທ່າມກາງບັນຍາກາດອັນເບີກບານມ່ວນຊື່ນ ແລະ ສະ
    ຫງ່າລາສີນີ້, ໃນນາມປະທານຂອງກອງປະຊຸມ, ຂ້າພະເຈົ້າຂໍປະກາດປິດກອງປະຊຸມການເປັນຄູ່ຮ່ວມລັດຖະສະພາ ອາຊີ-ເອີຣົບ ຄັ້ງທີ 7 ຢ່າງເປັນທາງການນັບ
    ແຕ່ວິນາທີນີ້ເປັນຕົ້ນໄປ. ໃນ​ຕອນ​ຄ່ຳຂອງ​ວັນດຽວກັນນີ້ ພະນະ​ທ່ານ ດຣ. ທອງ​ລຸນ ສີ​ສຸ​ລິດ ຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ການ​ຕ່າງປະ​
    ເທດ​ກໍ່​ໄດ້​ເປັນ​ເຈົ້າພາບ​ຈັດ​ງານ​ລ້ຽງ​ອາຫານ​ຄ່ຳ​ເພື່ອ​ເປັນ​ກຽດ​ໃຫ້​ແກ່ບັນດາ​ຜູ້​ແທນ​ທີ່​ເຂົ້າ​ຮ່ວມ​ກອງປະຊຸມ​ອາ​ເຊັບ -7 ຢູ່​ທີ່​ສູນ​ຝຶກອົບຮົມ ​ແລະ ການ​ຮ່ວມ​ມື​ສາກົນ
    (ICTC) ນະຄອນຫລວງວຽງ​ຈັນ.ສຳລັບ​ການ​ເຄື່ອນ​ໄຫວຂອງ​ຄະນະ​ຜູ້​ແທນ​ກອງ​ປະຊຸມອາ​ເຊັບ – 7 ​ໃນ​ມື້ນີ້​ແມ່ນ​ຈະ​ໄດ້ຢ້ຽມຢາມ​ສະຖານ​ທີ່​ທ່ອງ​ທ່ຽວທາງ​ດ້ານ​ວັດທະນະທຳ​ຢູ່​ນະຄອນ​ຫລວງ​ວຽງ​ຈັນ
    ​ເຊັ່ນ:​ ວັດ​ສີສະ​ເກດ, ຫໍພະ​ແກ້ວ, ພະທາດຫລວງ​ວຽງ​ຈັນ, ​ເຂົ້າ​ຮ່ວມ​ພິທີບາ​ສີ​ສູ່ຂວັນ​ຕາມຮີດຄອງ​ປະ​ເພນີ​ລາວ​ໃນ​ການ​ຕ້ອນຮັບ​ແຂກ​ບ້ານ​ແຂກ​ເມືອງ​ ​ແລະງານ​ລ້ຽງ​
    ອາຫານ​ທ່ຽງ​ທີ່​ພັດ​ຕະຄານ​ແມ່​ຂອງ ​ແລະ ຢ້ຽມຢາມຮ້ານ​ຫັດຖະກຳ​ລາວ.

     
     

     

Faculty Of Economic Business Management

ກອງປະຊຸມ​ການ​ເປັນ​ຄູ່ຮ່ວມລັດຖະສະພາ​ ອາຊີ – ​ເອີຣົບ ຄັ້ງທີ 7 ​ໄຂ​ຂຶ້ນຢ່າງ​ເປັນ​ທາງ​ການ

ກອງປະຊຸມ​ການ​ເປັນ​ຄູ່ຮ່ວມລັດຖະສະພາ​

ອາຊີ – ​ເອີຣົບ ຄັ້ງທີ 7 ​ໄຂ​ຂຶ້ນຢ່າງ​ເປັນ​ທາງ​ການ

ກອງປະຊຸມການເປັນຄູ່ຮ່ວມລັດຖະສະພາອາຊີ-ເອີຣົບຄັ້ງທີ 7 (ASEP-7) ໄດ້ໄຂຂຶ້ນຢ່າງເປັນທາງການໃນຕອນເຊົ້າຂອງວັນທີ 3 ຕຸລາ 2012 ນີ້
ທີ່ໂຮງແຮມດອນຈັນພາເລດ ນະຄອນຫລວງວຽງຈັນ ແລະ ຈະດຳເນີນໄປ 2 ວັນ ໂດຍພາຍໃຕ້ການເປັນປະທານຂອງພະນະທ່ານ ນາງ ປານີ ຢາທໍ່ຕູ້
ປະທານອາເຊັບ 7, ປະທານສະພາແຫ່ງຊາດລາວ, ມີພະນະທ່ານ ທອງສິງ ທຳມະວົງ ປະທານກອງປະຊຸມສຸດຍອດອາຊີ-ເອີຣົບ ຄັ້ງທີ 9, ນາຍົກລັດ
ຖະມົນຕີ ແຫ່ງ ສປປ ລາວ, ພະນະທ່ານ ຣິກ ຕອຟ, ຫົວໜ້າຄະນະຜູ້ແທນປະເທດແບນຊິກ, ປະເທດເຈົ້າພາບຈັດກອງປະຊຸມ ASEP-6, ມີບັນດາຜູ້
ແທນ 30 ຄະນະຈາກ 27 ປະເທດ, 1 ລັດຖະສະພາເອີຣົບ, 3  ອົງການຈັດຕັ້ງສາກົນລວມ 250 ກວ່າທ່ານຂອງສອງທະວີບອາຊີ ແລະ ເອີຣົບເຂົ້າ
ຮ່ວມ.ໃນວາລະດຳເນີນກອງປະຊຸມໃນມື້ທຳອິດພາຍຫລັງທີ່ພະນະທ່ານປະທານກອງປະຊຸມນາງ ປານີ ຢາທໍ່ຕູ້ໄດ້ກ່າວຄຳປາໄສໄຂກອງປະຊຸມ ASEP-7ຢ່າງເປັນທາງການແລ້ວກອງປະຊຸມໄດ້ຮັບຟັງບົດຄຳເຫັນຂອງພະນະທ່ານນາຍົກລັດຖະມົນຕີ ແຫ່ງ ສປປ ລາວ ທອງສິງ ທຳມະວົງ, ບົດຄຳເຫັນຂອງປະ
ເທດເຈົ້າພາບຈັດກອງປະຊຸມ ASEP-6 ພະນະທ່ານ ຣິກ ຕອຟ.ໃນກອງປະຊຸມຄົບຄະນະວາລະທຳອິດໄດ້ເລືອກເອົາບຸກຄະລາກອນດຳເນີນກອງປະຊຸມ,
ຮັບຮອງເອົາວາລະກອງປະຊຸມ, ລະບຽບການດຳເນີນກອງປະຊຸມ,ຮັບຮອງເອົາສະມາຊິກໃໝ່ ຊຶ່ງປະກອບມີ 4 ປະເທດຄື: ອົສຕຣາລີ, ນິວຊີແລນ, ມຽນ

ມາ ແລະ ຣັດເຊຍພ້ອມທັງມີການປະກອບຄຳຄິດຄຳເຫັນຂອງຫົວໜ້າຄະນະຜູ້ແທນແຕ່ລະປະເທດ. ຕອນບ່າຍຂອງວັນດຽວກັນຫົວໜ້າຄະນະຜູ້ແທນແຕ່ລະ
ປະເທດໄດ້ເຂົ້າຢ້ຽມຂ່ຳນັບພະນະທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ສຳນັກງານປະ
ທານປະເທດ.

ສຳລັບມື້ທີສອງຂອງກອງປະຊຸມ  (4.10.2012 ) ໄດ້ຈັດແບ່ງເປັນສອງກຸ່ມ ເພື່ອຄົ້ນຄວ້າປຶກສາຫາລືໃນຫົວຂໍ້ທີ່ແຕກຕ່າງກັນຄື: ກຸ່ມທີ 1 ໄດ້ປຶກສາຫາລື
ດ້ານເສດຖະກິດ ໂດຍລົງເລິກກ່ຽວກັບການຮັບປະກັນຄວາມຫມັ້ນຄົງດ້ານສະບຽງອາຫານໃນສະພາບການປ່ຽນແປງຂອງດິນຟ້າອາກາດຂອງໂລກໃນປະຈຸ
ບັນ ແລະ ເພີ່ມທະວີການຮ່ວມມືອາຊີ – ເອີຣົບໃນຂົງເຂດໜີ້ສິນສາທາລະນະເພື່ອພັດທະນາແບບຍືນຍົງ ໂດຍການເປັນປະທານຮ່ວມຂອງທ່ານ ດຣ. ນາງ
ສຸວັນເພັງ ບຸບຜານຸວົງ, ປະທານກຳມາທິການເສດຖະກິດແຜນການ ແລະ ການເງິນສະພາແຫ່ງຊາດລາວ ແລະ ທ່ານ ດຣ. ຮຸກ ກຣິດສະຕຽນ, ຮອງປະ
ທານສະພາບຸນເດັດສະຖາກສາທາລະນະລັດສະຫະພັນເຢຍລະມັນ ແລະ ກຸ່ມທີ 2 ໄດ້ປຶກສາຫາລືດ້ານສັງຄົມ ແລະ ສິ່ງແວດລ້ອມໂດຍລົງເລິກວຽກງານ
ການເປັນຄູ່ຮ່ວມອາຊີ – ເອີຣົບ ໃນການເພີ່ມທະວີການມີສ່ວນຮ່ວມຂອງສັງຄົມ ເພື່ອການຄຸ້ມຄອງໄພພິບັດໂດຍການເປັນປະທານຮ່ວມຂອງທ່ານ ຫງວຽນ
ວັນ ຕຽນ, ຮອງປະທານກຳມາທິການສັງຄົມສະພາແຫ່ງຊາດ ສສ ຫວຽດນາມ ແລະຈາກລັດຖະສະພາເອີຣົບ. ກອງປະຊຸມຄະນະກຳມະການຮ່າງຖະແຫຼງ
ການອາເຊັບ-7 ໂດຍການເປັນປະທານຂອງທ່ານ ສຈ. ດຣ. ນາງ ບຸນຍົງ ບຸບຜາ,ປະທານຄະນະສະມາຊິກສະພາແຫ່ງຊາດເພດຍິງ, ຮອງປະທານກຳມາ
ທິການຕ່າງປະເທດສະພາແຫ່ງຊາດລາວ. ກອງປະຊຸມຄົບຄະນະວາລະສຸດທ້າຍເພື່ອຮັບຮອງເອົາຖະແຫລງການຂອງກອງປະຊຸມ ASEP-7 ໂດຍການເປັນ
ປະທານຂອງພະນະທ່ານນາງ ປານີ ຢາທໍ່ຕູ້, ປະທານສະພາແຫ່ງຊາດລາວ.

ຜູ້​ແທນ 30 ຄະນະເດີນທາງ​ມາ​ເຂົ້າຮ່ວມກອງ​ປະຊຸມອາ​ເຊັບ 7

 

ມາ​ຮອດ​ວັນ​ທີ 2 ຕຸ ລາ 2012 ຄະນະ​ຜູ້​ແທນ​ລັດຖະສະພາ​ຕ່າງປະ​ເທດ​ຈຳນວນ 30 ຄະນະ​ຈາກ​ສອງ​ທະວີ​ບອາຊີ ​ແລະ ​ເອີຣົບ​ ໄດ້​ເດີນທາງ​ມາ​ເຖິງ​
ນະຄອນຫລວງວຽງ​ຈັນ​ເປັນ​ທີ່​ຮຽບຮ້ອຍ​ແລ້ວ​ເພື່ອ​ເຂົ້າ​ຮ່ວມ​ກອງ​ປະຊຸມການ​ເປັນ​ຄູ່ຮ່ວມ​ລັດຖະສະພາອາຊີ-​ເອີຣົບ ຄັ້ງທີ 7 ຫລື ອາ​ເຊັບ 7 ​ໂດຍ​ໄດ້​ຮັບ​ການ​
ຕ້ອນຮັບ​ຈາກ​ຜູ້ຕາງຫນ້າ​ສະພາ​ແຫ່ງ​ຊາດ​ລາວ ​ແລະ ຊາວ​ນະຄອນຫລວງ​ວຽງ​ຈັນ​ຢ່າງ​ອົບອຸ່ນ ​ແລະ ປະ​ທັບ​ໃຈ​ຕໍ່​ແຂກທີ່ເດີນທາງ​ມາ​ເຖິງ. ຄະນະ​ຜູ້​ແທນ​ສະ
ພາ​​ແຫ່ງ​ຊາດ ສ.ສ ຫວຽດນາ​ມທີ່​ເດີນທາງ​ມາ​ເຂົ້າ​ຮ່ວມ​ກອງ​ປະຊຸມ ASEP 7 ນຳ​ໂດຍທ່ານ ຫງວຽນ​ຊິງ​ຮຸ່ງ ປະທານ​ສະພາ​ແຫ່ງ​ຊາດ​ຫວຽ​ດນາມ ພ້ອມດ້ວຍ​
ຄະນະ​ຈຳນວນ 15 ທ່ານ, ສປ ຈີນ ນຳ​ໂດຍທ່ານ ນານ ​ເຊັງ​ຮົງຮອງ​ປະທານ​ກຳມາ​ທິການ​ຕ່າງປະ​ເທດ​ສະພາ​ປະຊາຊົນ​ຈີນ, ພ້ອມ​ຄະນະ​ຜູ້​ແທນ 8 ທ່ານ,
ຣາຊະ​ອານາຈັກກຳປູເຈຍ​ນຳ​ໂດຍທ່ານ ນາງ ຄວນ ສຸດາຣີ ຮອງ​ປະທານ​ສະພາແຫ່ງ​ຊາດ​ຜູ້​ທີ 2 ພ້ອມ​ດ້ວຍຄະນະ 12 ທ່ານ, ລັດຖະສະພາ​ເອີ​ຣົບນຳ​ໂດຍ
ທ່ານ ​ເອລີ ຊາ​ເບ​ດ ​ແຈັກ​ເກິ​ນ ຄະນະ​ກຳມະ​ການ​ກະສິກຳ ​ແລະ ພັດທະນາ​ຊົນນະບົດ , ອະນຸ​ກຳມະການ​ດ້ານ​ສິດທິ​ມະນຸດ​ທັງ​ເປັນສະມາຊິກ​ລັດຖະສະພາ​
ເອີຣົບ. ພ້ອມ​ຄະນະ 12 ທ່ານ, ຄະນະ​ຜູ້​ແທນ​ສະພາ​ສູງ​ຣັດ​ເຊຍ​ນຳ​ໂດຍທ່ານ ອັງ​ດ​ເຣັກລີມົບ ສະມາຊິກຄະນະ​ກຳມະການຕ່າງປະ​ເທດ​ພ້ອມ​ດ້ວຍ​ຄະນະ 5
ທ່ານ, ຄະນະ​ຜູ້​ແທນ​ສະພາ​ຕໍ່າຣັດ​ເຊຍ (ສະພາ​ດູ​ມາ) ນຳ​ໂດຍທ່ານ ມາກ​ຊິ​ມ ​ເຊິ​ນກາກ​ກິນພ້ອມ​ຄະນະ 4 ທ່າ​ນ, ຣາຊະອານາຈັກ​ໄທ​ນຳ​ໂດຍທ່ານ ຊຸຣາ​ໃຈ
ລຽນບຸນ​ເລີດ​ໃຈ ຮອງປະທານ​ວຸດ​ທິສະພາ​ຜູ້​ທີ 1 ພ້ອມ​ຄະນະ 7 ທ່ານ, ສະຫະພາບ​ມຽນມາ​ນຳ​ໂດຍທ່ານ ອູ​ຄິນ ອອງມິນ ປະທານລັດຖະສະພາ​ພ້ອມ​ດ້ວຍ​
ຄະນະ 5 ທ່ານ,​ ອົສຕຣາລີ​ນຳ​ໂດຍທ່ານ ນາງ ອານາ​ເບີ​ກີ ຮອງ​ປະທານສະພາ​ອົສຕຣາລີ, ​ໂອ​ຕຣິສນຳໂດຍທ່ານ ສະ​ເຕັບ​ຟານ ມາກ​ໂກ​ວິສ ສະມາຊິກ​ສະ
ພາແຫ່ງ​ຊາດ, ​​ແບນ​ຊິກ​ນໍາ​ໂດຍທ່ານ ຣິກທອບ, ບຣູ​ໄນ​ນຳໂດຍທ່ານ ​ເປ​ຮິນ ດາ​ໂຕະ ຮາ​ຈິ ອິດ​ສາບິນ ອີ​ບຣາຮິມ ປະທານ​ສະພາ​ບຣູ​ໄນ​ດາ​ຣູຊາລາມ,ດານ
​ມາກ​ນຳ​ໂດຍທ່ານ ກາຣິນ ກາສຕິກ, ​ແຟັງ​ລັງ​ນຳ​ໂດຍທ່ານ ​ໄອລາ ປາ​ໂລ​ນິມີ, ​ເຢຍລະ​ມັນ​ນຳ​ໂດຍທ່ານ ດຣ. ຄຣິສຕຽນ ຣຸກ ຮອງ​ປະທານລັດຖະສະພາ​ເຢຍ
ລະ​ມັນ, ຮົງກາລີ ນຳ​ໂດຍທ່ານ ອັນ​ດໍ ນາກີ ຮອງ​ປະທານຄະນະ​ກຳມະການພັດທະນາ​ແບບ​ຍືນ​ຍົງ, ກອງທຶນ​ການ​ເງິນ​ສາກົນ (IMF) ນຳ​ໂດຍທ່ານ ຊານ​ເຈ
ການ​ລາ, ອິນ​ເດຍນຳ​ໂດຍທ່ານ ກຣີສ ນາວາ​ມີ ມູຣູກາ​ກູນ​ເດີ, ອິນ​ໂດເນ​​ເຊຍນຳ​ໂດຍທ່ານ ຮາ​ຍ​ໂຢໂນ ອິສະມານຮອງ​ປະທານ​ຄະນະກຳມະການການ​ຮ່ວມ​ມື
ສາກົນ, ອຽກລັງ​ນຳ​ໂດຍທ່ານ ​ໂດ​ມີ​ນິກ ​ແຮນ​ນີ​ແກນ ຮອງ​ປະທານ​ກຳມາ​ທິການ​ຕ່າງປະ​​ເທດ​ລັດ​ຖະສະພາ​ເອີຣົບ, ຢີ່ປຸ່ນນຳ​ໂດຍທ່ານ ​ໂມ​ໂຕະ ຢູກິຟິຈິ​ອິ ສະ
ມາຊິກ​ລັດຖະສະພາ, ມາ​ເລ​ເຊຍ​ນຳ​ໂດຍ​ທ່ານ ຕັນ​ສະ​ຣິ ອາ​ບູຊາ​ຮາ​ອູ​ຈັງ ປະທານ​ວຸດ​ທິສະພາ,​ ນິວຊີ​ແລນນຳ​ໂດຍທ່ານ ຈອນ ຮາ​ແຢດ ຫົວຫນ້າ​ກຳມາ​ທິການ
​ຕ່າງປະ​ເທດ, ປ້ອງ​ກັນຊາດ ​ແລະ ການ​ຄ້າ, ປາ​ກິດ​ສະຖານ​ນຳ​ໂດຍທ່ານ ຊາ​ເບຍ ອາລີ​ບາ​ລອກ ຮອງ​ປະທານ​ວຸດ​ທິສະພາ​ປັອກຕຸຍ​ກາຍ​ນຳ​ໂດຍທ່ານ ນາງ
ອານ​ກີລາ ​ກູ​ແອ​ຣາ, ສ.​ເກົາຫລີ ນຳ​ໂດຍທ່ານ ກີ​ວູນ​ແບ, ສິງກະ​​ໂປ​ນຳ​ໂດຍ ທ່ານ ດຣ. ມູຮາມມັດ, ​ແອັສປາຍ​ນຳ​ໂດຍທ່ານ ​ເຈ​ນີ ຈໍ​ດີ ຮອງປະທານ​ລັດຖະສະ
ພາ​ຜູ້​ທີ 4, ຟີລິບປິນນຳ​ໂດຍທ່ານ ອານ​ໂຕ​ນີ​ໂອ ເດີກຸສມານ ຫົວຫນ້າຫ້ອງການພົວພັນ​ສາກົນ ​ແລະ ພິທີການ, ວຸດ​ທິສະພາ​ແຫ່ງ​ຟີລິບ​ປິນ, ອົງການ​ສະຫະ​ປະ
ຊາຊາດ ​ເພື່ອ​ການ​ພັດນາ (UNDP) ນຳ​ໂດຍທ່ານ ມິ​ງຟາ​ມ ຜູ້ຕາງຫນ້າ​ອົງການ ສປຊ ​ເພື່ອ​ການ​ພັ​ດທະ​ນາ​ປະຈຳ ສປປ ລາວ,ອົງການ UNISDR ນຳ​ໂດຍ​
ທ່ານ​ນາງ ມາ​ກາ​ແຣດ​ຕາ ວອນ​ສະ​ຕອມຜູ້ຕາງ​ຫນ້າ​ພິ​ເສດ​​ເລຂາທິການໃຫຍ່ ສປຊ ​ເພື່ອ​ປ້ອງ​ກັນ​ໄພພິບັດ. ສະ​ເພາະ​ຕອນ​ຄ່ຳ​ຂອງວັນ​ທີ 2​ ຕຸລາ 2012 ທີ່​ໂຮງ
​ແຮມ​ດອນ​ຈັນ​ພາ​ເລດ ທ່ານ ​ດຣ. ​ໄຊ​ສົມ​ພອນ ພົມ​ວິຫານຮອງ​ປະທານ​ສະພາ​ແຫ່ງ​ຊາດລາວທັງ​ເປັນ​ຫົວຫນ້າ​ຄະນະກຳມະການ​ຈັດຕັ້ງກອງ​ປະຊຸມອາ​ເຊັບ 7 ກໍ່
​ໄດ້​ຈັດ​ງານ​ລ້ຽງອາຫານ​ຄ່ຳ​ຕ້ອນຮັບ​ຄະນະ​ຜູ້​ແທນ​ທຸກ​ພາກສ່ວນທີ່​ເດີນທາງມາ​ເຂົ້າ​ຮ່ວມ​ໃນ​ກອງ​ປະຊຸມຄັ້ງນີ້. ງານ​ລ້ຽງ​ດຳ​ເນີນ​ໄປດ້ວຍ​ບັນຍາກາດ ​ແລະ ​ໄມຕີຈິດ
​ຖານ​ມິດຕະພາບ​ດ້ວຍຄວາມ​ອົບ​ອຸ່ນ ​ແລະ ມ່ວນ​ຊື່ນ​.

ສະພາການ​ຄ້າ​ອາເມ​ຣິກັນ ​ເປີດ​ສໍາ​ນັກ​ງານ ​ທີ່ນະຄອນຫລວງວຽງ​ຈັນ

ພິທີເປີດ ສະພາການຄ້າອາເມຣິກັນ ທີ່ນະຄອນຫລວງວຽງຈັນ ເມື່ອໝໍ່ໆ ມານີ້.

ສະພາ​ການ​ຄ້າ​ອາ​ເມ​ຣິກັນ​ເປີດ​ສໍາ​ນັກ​ງານ​ປະ​ຈໍາ​ນະຄອນ​ວຽງ​ຈັນ ​ໂດຍ​ຖື​ເປັນ​ພາກສ່ວນ​ນຶ່ງ​ຂອງ​ການ​ເສີມ​ສ້າງ​ບົດບາດ​ຂອງສະຫະລັດ​ທັງ​ໃນ​ດ້ານ​ການ​ຄ້າ​ແລະ​ການ​ລົງທຶນ ໃນ​ພູມິ​ພາກອາ​ຊ່ຽນ.

ສະພາ​ການ​ຄ້າ​ອາ​ເມຣິກັນ (AMCHAM)  ​ໄດ້​ເປີດ​ສໍານັການ​ປະ​ຈໍາ​ນະຄອນ​ວຽງ​ຈັນ ຢ່າງ​ເປັນ​ທາງ​ການ​ໃນ​ທ້າຍ​ເດືອນ​ກັນຍາ​ນີ້ ​ໂດຍ​ມີ​ບັນດາຜູ້ຕາງໜ້າ​ຂອງ​ພາກ​ລັດ ​ແລະ​ພາກ​ເອກ​ກະ​ຊົນ​ລາວ ​ແລະ​ສະຫະລັດຫຼາຍ​ກວ່າ 70 ຄົນ ​ເຂົ້າຮ່ວມ​​ເປັນ​ກຽດ ​ໃນ​ພິທີ​ແລະ​ການ​ເປີດ​ສໍານັກງານ​ປະ​ຈໍາ​ນະຄອນ​ວຽງ​ຈັນ​ໃນ​ຄັ້ງ​ນີ້ ກໍ​ເປັນ​ໄປ​ຕາມ​ການອະນຸຍາດ​ຂອງ​ກະ ຊວງ​ການ​ຕ່າງປະ​ເທດ​ຂອງ​ລາວ ທີ່​ໄດ້​ມີ​ຜົນ​ສັກສິດ​ນັບ​ແຕ່​ທ້າຍ ​ເດືອນ​ກໍລະກົດ​ປີ​ນີ້​ເປັນ​ຕົ້ນ​ມາ​ແລ້ວ.
​​
​ໃນ​ໂອກາດ​ດັ່ງກ່າວ​ນີ້ ທ່ານ​ນາງ Karen Stewart ​ເອກ​ອັກຄະລັດຖະທູດ ສະຫະລັດ ປະ​ຈໍາ​ລາວ ກໍ​ໄດ້​ຖະ​ແຫຼງຢືນຢັນ​ວ່າ ສະພາ​​ການ​ຄ້າ​ອາ​ເມຣິກັນຈະ​ມີ​ບົດບາດອັນສໍາຄັນ​ໃນ​ການ​ເສີມ​ຂະຫຍາຍ​ການ​ຄ້າ ​ແລະ​ການ​ລົງທຶນ​ໃນ​ລາວ ຊຶ່ງ​ກໍ​ຖື​​ເປັນພາກສ່ວນ​ນຶ່ງ​ທີ່​ສໍາຄັນ​ຂອງ​ການ​ເສີມ​ສ້າງ​ການ​ພົວພັນ​ ແລະ​ຮ່ວມ​ມື​ທາງ​ເສດຖະກິດ​ລະຫວ່າງ​ສະຫະລັດ​ກັບ​ກຸ່ມ​ອາ​ຊຽນຫຼາຍ​ຂຶ້ນຢ່າງ​ບໍ່​ຢຸດ​ຢັ້ງ.

ທັງ​ນີ້ ​ເຖິງ​ແມ່ນ​ວ່າ​ໃນ​ປັດຈຸບັນ ​ຈະ​ມີ​ພາກສ່ວນ​ເອກ​ກະ​ຊົນ​ຈາກ​ສະຫະລັດ​ພຽງ​ແຕ່ 40 ລາຍ
​ທີ່​ໄດ້​ຮັບ​ອະນຸຍາດ​ໃຫ້​ລົງທຶນ​ໃລາວ​ແລະ​ມີມູນ​ຄ່າ​ການ​ລົງທຶນ​ລວມກັນ ພຽງ 77 ລ້ານ​ໂດ​ລາ ກັບ​ທັງ​ຍັງ​ມີ​ມູນ​ຄ່າ​ການ​ລົງທຶນ ​ແລະ​ການ​ຄ້າ​ລະຫວ່າງ​ສະຫະລັດ​ກັບ​ລາວ​ຈະ​ເພີ່ມ​ຂຶ້ນຢ່າງ​ຕໍ່​ເນື່ອງ​ ນັບ​ຈາກ​ນີ້​ເປັນ​ຕົ້ນ​ໄປ. ​ເນື່ອງ​ຈາກ​ທາງ​ການ​ສະຫະລັດ​ຖື​ວ່າ​ລາວ​ກໍ​ຄື​ກຸ່ມ​ອາ​ຊຽນນັ້ນ ​ເປັນ​ພູມິ​ພາກ​ທີ່​ມີ​ຄວາມ​ສໍາຄັນ​ຢ່າງ​ຍິ່ງ​ນັ້ນ​ເອງ ດັ່ງ​ທີ່​ເຈົ້າໜ້າ​ທີ່​ຂັ້ນ​ສູງ​ໃນ​ສະ ພາ​ການ​ຄ້າ​ອາ​ເມຣິກັນ​ໄດ້​ໃຫ້ການ​ຢືນຢັນ​ວ່າ:

“ອາຊ່ຽນແມ່ນເປັນຈຸດໝາຍປາຍແຫ່ງໃຫຍ່ທີ່ສຸດ ສໍາລັບການລົງທຶນຕ່າງປະເທດ ໂດຍກົງຂອງອາເມຣິກາໃນເອເຊຍ ແລະປະທານາທິບໍດີໂອບາມາກໍໄດ້ລະບຸວ່າ ການສົ່ງອອກແມ່ນຫົນທາງທີ່ນໍາພາອາເມຣິກາ ອອກຈາກສະພາວະຫຍຸ້ງຍາກ ທາງການເງິນ ແລະກັບຄືນໄປຍັງຄວາມຈະເລີນຮຸ່ງເຮືອງ ແລະທ່ານໄດ້ທ້າທາຍ
ໃຫ້ ອາເມຣິກາເພິ່ມທະວີການສົ່ງອອກໄປຍັງອາຊ່ຽນ ຂຶ້ນສອງເທົ່າໂຕ ພາຍໃນເວລາ 5 ປີ.”

ອິງ​ຕາມ​ລາຍ​ງານ​ຂອງ​ສະພາ​ທຸລະ​ກິດ​ສະຫະລັດ​ກັບ​ອາ​ຊ່ຽນ (US-ASEAN Business Council) ​ໄດ້​ລະບຸ​ວ່າ​ການ​ລົງທຶນ​ຂອງ​ບັນດາ​ນັກທຸລະກິ​ດຈາກ​ສະຫະລັດ​ໃນ​ອາ​ຊ່ຽນ​ມີ​ມູນ​ຄ່າ​ລວມຫຼາຍ​ກວ່າ 170,000 ລ້ານ​ໂດ​ລາ ​ໃນ​ປັດຈຸບັນ​ນີ້ ຊຶ່ງ​ຖື​ວ່າ ​ເປັນ​ມູນ​ຄ່າ​ການ​ລົງທຶນ​ລວມທີ່​ຫຼາຍ​ກວ່າ​ການ​ລົງທຶນ​ຂອງ​ສະຫະລັດ​                                                                  ໃນ​ກອງປະຊຸມລະຫວ່າງສະພາການຄ້າສະຫະລັດ-ອາຊ່ຽນ (US-ASEAN Business Council) ແລະຄຸນະເຈົ້າໜ້າທີ່ຝ່າຍການຄ້າຂອງລາວ

ຈີນ​ເຖິງ 3 ​ເທົ່າ ຍິ່ງ​ໄປ​ກວ່າ​ນັ້ນ ລັດ​ຖະບານ​ສະຫະລັດ ກໍ​ຍັງ​ໄດ້​ວາງ​ເປົ້າໝາຍ​ທີ່​ຈະ​ເພີ່ມ​ມູນ​ຄ່າການ​ຄ້າ​ກັບ​ອາ​ຊ່ຽນ​ຈາກ 2 ​ແສນ​ລ້ານ​ໂດ​ລາ​ໃນ​ປັດຈຸບັນ​ຂຶ້ນອີກ 5 ​ເທົ່າ​ພາຍ​ໃນ​ປີ 5​ ປີ ຕໍ່ໜ້າ​ອີກ​ດ້ວຍ.

ແຕ່​ຢ່າງ​ໃດ​ກໍ​ຕາມ ທ່ານ​ທອງ​ສິງ ທໍາ​ມະ​ວົງ ນາຍົກລັດຖະມົນຕີລາວ ກໍ​ໄດ້​ເນັ້ນ​ຢໍ້າກ່ອນ​ໜ້າ​ນີ້​ວ່າ ຄວາມ​ແຕກ​ໂຕນ​ກັນຂອງ​ລະດັບ​ການ​ພັດທະນາ​ທາງເສດຖະກິດ​ໃນ​ປະ​ເທດ​ສະມາ ຊິກ​ອາ​ຊ່ຽນ​ຍັງ​ຄົງ​ເປັນ​ອຸບປະສັກ​ຕໍ່​ການ​ພັດທະນາ​ອາ​ຊ່ຽນ​ໄປ​ສູ່​ປະຊາ​ຄົມ ນາ​ໆ​ຊາດ​ອັນນຶ່ງ ອັນ​ດຽວ​ກັນ​ທີ່​ໄດ້​ວາງ​ເປົ້າໝາຍ​ຮ່ວມ​ກັບ​ໄວ້​ໃນ​ປີ 2015 ຈຶ່ງ​ເຮັດ​ໃຫ້​ຕ້ອງ​ແກ້​ໄຂ​ບັນຫາ​ດັ່ງກ່າວ​ນີ້​ຢ່າງ​ຮີບ​ດ່ວນ​ທີ່​ສຸດ.

​ອິງ​ຕາມ​ສະຖິຕິ​ຂອງ​ສໍານັກງານ​ເລ​ຂາ​ທິການ​ອາ​ຊ່ຽນ ກໍ​ໄດ້​ລະບຸ​ວ່າ​ສິງ​ຄະ​ໂປ ​ເປັນ​ປະ​ເທດ​ທີ່​ມີ​ການ​ພັດທະນາ​ທາງ​ເສດຖະກິດ​ສູງ​ສຸດ​ໃນ​ອາ​ຊ່ຽນ ຊຶ່ງ​ໃນ​ປັດຈຸບັນ​ນີ້ ກໍ​ປາກົດ​ວ່າ​ຍອດ ຜະລິດ​ລວມພາຍ​ໃນ​ຂອງ​ສິງ​ຄະ​ໂປ​ສາມາດ​ຄິດ​ສະ​ເລ່ຍ​ເປັນ​ລາຍ​ຮັບຂອງ​ປະຊາຊົນ​ໄດ້​ເຖິງ 50,000 ​ໂດ​ລາວ​ຕໍ່​ຄົນ​ຕໍ່​ປີ ຊຶ່ງ​ຖື​ເປັນ​ລາຍ​ໄດ້​ສະ​ເລ່ຍສູງ​ກວ່າ​ປະຊາຊົນ​ໄທ ລາວ ​ແລະ​ ມຽນມາ​ເຖິງ 10 ​ເທົ່າ ​ແລະ 100 ​ເທົ່າ​ຕາມ​ລໍາດັບ.

ທາງ​ດ້ານ​ທ່ານ ສຸຣິນ ພິດ​ສຸວັນ ​ເລ​ຂາ​ທິການ​ອາ​ຊ່ຽນ ກໍ​ໄດ້​ສະ​ແດງ​ຄວາມ​ເຊື່ອ​ໝັ້ນວ່າ ​ອາ​ຊ່ຽນ​ຈະ​ສາມາດ​ຫລຸດ​ຄວາມ​ແຕກ​ໂຕນ​ກັນ​ຂອງ​ລະດັບ​ການ​ພັດທະນາ​ທາງ​ເສດຖະກິດ​ໄດ້​​ດ້ວຍ​ການ​ເປີດ​ເສລີ​ທາງ​ການ​ຄ້າ ການ​ລົງທຶນ ​ແລະ​ການ​ບໍ​ລິ​ການ​ຢ່າງ​ແທ້​ຈິງ ຊຶ່ງ​ຈະ​ເປັນ​ຜົນ​ເຮັດ​ໃຫ້​ນາໆ ຊາດ ​ເຂົ້າມາ​ເສີມ​ຂະຫຍາຍ​ການ​ຮ່ວມ​ມື​ທາງ​ເສດ​ຖະກິດ​ກັບ​ອາ​ຊ່ຽນ ຫຼາຍ​ຂຶ້ນຢ່າງ​ຕໍ່​ເນື່ອງ ​ແລະ​ໃນ​ນີ້​ກໍ​ລວມ​ເຖິງ​ການ​ເສີມ​ຂະຫຍາຍ​ການ​ຮ່ວມ​ມື​ກັບ​ສະຫະລັດ​ອາ​ເມ​ຣິກາ​ດ້ວຍ.

 

ຂ່າວຈາກ Voice of America