ພະແນກອຸດສາຫະກຳ ແລະ ການຄ້ານະຄອນຫລວງຢຶດສິນຄ້າລັກນໍາເຂົ້າຫຼາຍກວ່າ 3 ຮ້ອຍກິໂລ

ການ​ນຳ​ເຂົ້າ​ສິນ­ຄ້າ​ແບບ​ຜິດກົດ­ຫມາຍ​ຂອງ​ແມ່​ຄ້າ​ບາງບຸກ­ຄົນ​ຍັງ​ມີ​ການ​ລະເມີດ ໂດຍສະເພາະ​ແມ່ນ​ປະເພດເຄື່ອງ​ອຸປະ­ໂພກບໍ­ລິ­ໂພກມັກ​ມີການລັກລອບນໍາເຂົ້າເປັນປະຈໍາ ເຊິ່ງສິນຄ້າເຫຼົ່ານີ້ຈະ​ມີ​ຜົນ​ກະ­ທົບຕໍ່ຜູ້ບໍລິໂພກ​ເຖິງ​ຂັ້ນ​ເສຍ​ຊີວິດ ເນື່ອງ​ຈາກ​ສິນຄ້າ​​ບໍ່​ໄດ້​ຜ່ານ​ການກວດກາ​ຕາມ​ຂັ້ນ​ຕອນ​ຂອງ​ເຈົ້າ​ຫນ້າທີ່​ກ່ຽວ­ຂ້ອງ​ກ່ອນ​ການ​ນຳ​ເຂົ້າ.

ຕໍ່​ກັບ​ບັນ­ຫາ​ດັ່ງ­ກ່າວ​ນີ້​ເຈົ້າ​ຫນ້າ­ທີ່ຈາກພະ​ແນກ​ອຸດ​ສະ­ຫະ​ກຳ ແລະ ການ​ຄ້າ ນະ­ຄອນ­ຫລວງ​ວຽງ​ຈັນ ໄດ້​ມີ​ຄວາມ​ເປັນ​ຫ່ວງ​ຢ່າງ​ຍິ່ງທັງໄດ້ສົ່ງເຈົ້າໜ້າທີ່ກ່ຽວຂ້ອງລົງຕິດຕາມກວດກາຕາມທ້ອງຕະຫຼາດຢ່າງເຄັງຄັດ ຈົນກະທັງ​ໃນ​ວັນ​ທີ 27 ກັນ­ຍາ​ຜ່ານມາ​​ໜ່ວຍ​ງານ​ຕ້ານ ແລະ ສະ­ກັດກັ້ນ​ການ​ຄ້າຂາຍ​ແບບຜິດກົດໝາຍຂອງ​ຂະ­ແຫນງ­ການຄ້າ​ພາຍ​ໃນ​ພະ​ແນກ​ອຸດ​ສະ­ຫະ​ກຳ ແລະ ການ​ຄ້າ​ນະ­ຄອນຫລວງ​ວຽງ​ຈັນ​ ສາມາດ​ກວດ​ພົບ ແລະ ​ຍຶດ​ສິນ­ຄ້າ​ທີ່​ນຳ​ເຂົ້າ​ບໍ່​ຖືກ­ຕ້ອງ​ຕາມ​ກົດຫມາຍ​ໂດຍມີ​ນ້ຳ­ຫນັກຫຼາຍກ່ວາ 330 ກີ​ໂລ.

ທ່ານ ຫນູ​ຫມັ້ນ ໂພ­ທິ​ສານ ຫົວ­ຫນ້າ​ຂະ­ແຫນງການ​ກວດ­ກາ​ການ​ຄ້າ ​ພະ​ແນກອຸດ​ສະ­ຫະ​ກຳ ແລະ ການ​ຄ້າ ​ນະຄອນ​ຫຼວງ​ວຽງ​ຈັນ​ ບອກໃຫ້ຮູ່້ວ່າ: ໃນ​ຈຳ­ນວນ​ສິນ­ຄ້າ 330 ກິ​ໂລກຣາມ ​ແມ່ນ​ຍຶດ​ໄດ້​ໃນ​ໄລ­ຍະ​ທີ່ຫນ່ວຍ​ງານ​ຕ້ານ ແລະ ສະກັດກັ້ນ​ການ​ຄ້າ­ຂາຍ​ນອກ​ລະ­ບົບ, ການ​ຄ້າ­ຂາຍ​ເຖື່ອນ​ຂອງ​ຂະແຫນງ​ພວກ​ເຮົາ​ລົງ​ປະ­ຕິ­ບັດຫນ້າ­ທີ່​ຢູ່​ຕະ­ຫລາດ​ຂົວ​ດິນ ໂດຍໄດ້​ກວດ​ພົບ​ເຫັນ​ໂຄງ​ໄກ່ ແລະ ໄກ່​ປອກ ຈຳ­ນວນ 6 ຫົວ­ຫນ່ວຍ ມູນ​ຄ່າ​ລວມ​ທັງ​ຫມົດ​ປະ­ມານ 4,95 ລ້ານ​ກວ່າ​ກີບ ຊຶ່ງບໍ່​ມີໃບ​ອະ­ນຸ­ຍາດ​ນຳ​ເຂົ້າ​ຈາກ​ພາກສ່ວນ​ທີ່​ກ່ຽວ­ຂ້ອງ ສະ­ນັ້ນ, ເຈົ້າຫນ້າ­ທີ່​ກວດ­ກາ​ຈິ່ງ​ໄດ້​ຍຶດ​ສິນ­ຄ້າດັ່ງ­ກ່າວ​ໄວ້ ແລະ ຈັດ​ພິ­ທີ​ທຳ­ລາຍ​ຖີ້ມ​ຕາມ​ລະ­ບຽບການພາຍໃນ​​ວັນ​ທີ 28 ກັນ­ຍາ 2012 ດ້ວຍ​ວິ­ທີ​ການຂຸດ​ດິນ​ຖົມ.

ຂັດຈາກ: Social Economic Newspaper Online

Posted on October 2, 2012, in All post. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: