Donkhong

 

ສະຖານທີ່ທ່ອງທ່ຽວ

 

ແຫຼ່ງທ່ອງທ່ຽວທາງທຳມະຊາດ ແລະ ວັດທະນະທຳຢູ່ຫຼາຍບ່ອນ ເຊັ່ນ:
+ ທ່ອງທ່ຽວທາງວັດທະນະທຳ
– ວັດຈອມທອງ:
ວັດຈອມທອງ ຫຼືອີກນາມໜຶ່ງວ່າ ວັດຫົວເມືອງ ຕັ້ງຢູ່ເໜືອຂອງເທດສະບານເມືອງ ສ້າງຕັ້ງມາແລ້ວປະມານ
ສອງຮ້ອຍກ່ວາປີ ແລະ ຖືກປະຕິສັງຂອນເລື້ອຍມາ ອາຮາມວັດນີ້ ຖືກອອກແບບເປັນທີ່ສົນໃຈຄື ດຶງເອົາສ່ວນໜຶ່ງຂອງ
ສິລະປະຕາເວັນຕົກປະສົມຕາເວັນອອກເຂົ້າຫາກັນ ມີຮູບພະຍາຄຸດອ້າປາກປ່ອຍນ້ຳຕົກ ມີເສົາກະໂດງ 3 ທິດ ຊຶ່ງຊອກ
ຫາຄວາມໝາຍຍາກ ນອກຈາກນີ້ກໍມີລິງລາຍແບບລາວບູຮານບັນຍາຍຢູ່ຕາມຝາ ປະຕູປ່ອງຢ້ຽມຂອງອາຮາມ ຊຶ່ງບອກ
ເຖິງບາບບຸນຄຸນໂທດຕ່າງໆຂອງຜູ້ຄົນທີ່ກໍ່ກຳແນວໃດ ກໍຈະໄປຮັບກຳແນວນັ້ນ ລວດລາຍດັ່ງກ່າວນັບວ່າວິຈິດພິດສະດານ
ບໍ່ໜ້ອຍ.
– ວັດພວງແກ້ວ (ວັດກາງ)
ວັດນີ້ເປັນວັດໃຫຍ່ຕັ້ງຢູ່ໃກ້ໆກັບສຳນັກເມືອງໂຂງ ຈຸດເດັ່ນໆວັດແມ່ນປະດິດສະຖານພະໃຫຍ່ ແລະ ພະທາດ
ດູກອີກໜ່ວຍໜຶ່ງຂອງພະຄູ ໂພນສະເມັກ (ພະຄູຂີ້ຫອມ) ຢູ່ທາງຕາເວັນຕົກ ນອກວັດມີກົກໂພສ່ຽງ ໃນການສ້າງຕັ້ງເມືອງ
ໂຂງ ປັດຈຸບັນ ຖືກປະຕິສັງຂອນໃຫ້ເປັນວັດອາຮາມຫຼວງທາງພຸດທະສາດສະໜາ.
– ວັດຫົວໂຂງເໜືອ
ວັດຫົວໂຂງເໜືອເປັນວັດໜຶ່ງຊຶ່ງມີຄວາມເກົ່າແກ່ ຖ້າເອີ້ນຕາມຊາວບ້ານເພິ່ນເອີ້ນວ່າ ວັດໂຂງພະໃຫຍ່ ເພາະ
ເພິ່ນປະດິດສະຖານ ພະໃຫຍ່ໄວ້ໃຫ້ເປັນທີ່ສັກກາລະບູຊາຂອງຊາວບ້ານ ແລະ ຊາວເມືອງ ພະອົງນີ້ໃຫຍ່ຫຼຸດພະອົງຕື້
ໜ້ອຍໜຶ່ງ ມີຄວາມສັກສິດຕາມຄຳຊ່າລືກັນມາ ປັດຈຸບັນ ວັດດັ່ງກ່າວຖືກປະຕິສັງຂອນໃຫ້ຈົບງາມ ຄວນແກ່ການມາຂາບ
ໄຫວ້ ແລະ ທັດສະນະສຶກສາ.
ນອກຈາກນີ້ຍັງມີວັດພູເຂົາແກ້ວ ຊຶ່ງເປັນວັດຕັ້ງຢູ່ໂນນຫີນເກົ່າແກ່ ແລະ ວັດອື່ນໆຊຶ່ງມີປະຫວັດທີ່ໜ້າ ສົນໃຈ
ໃນດອນແຫ່ງນີ້.
+ ທ່ອງທ່ຽວທຳມະຊາດ
– ທ່ຽວພູ
ຢູ່ດອນໂຂງຕາມຕຳນານບອກວ່າ ມີພູ 99 ໜ່ວຍ ພູແຕ່ລະໜ່ວຍບໍ່ສູງປານໃດ ຖ້າຂຶ້ນພູໂຂງຈະເຫັນທັດສະນີ
ຍະພາບໜູ່ເກາະດອນຕ່າງໆ ໂດຍສະເພາະຂຶ້ນພູໂລ້ນ ຈະຫຼຽວເຫັນທ່າເປືອຍ (ກຳປົງສະເຫຼົາ) ກຳປູເຈຍ ເບື້ອງຕາເວັນ
ຕົກ ໂດຍມີພາບແມ່ນ້ຳຂອງອ້ອມໄປທຸກເກາະດອນ ຖ້າທ່ຽວເດືອນ 6-7 ກໍຈະມີການສົງນ້ຳຖ້ຳຕ່າງໆ ຢູ່ພູ ຖ້າທ່ຽວເດືອນ
3 ກໍຈະພົບຄວາມງາມຂອງຕົ້ນໄມ້ທີ່ກຳລັງໃຫ້ດອກຫອມອ່ອນ ເຊັ່ນ: ດອກຈິກ ດອກຮັງ ດອກຂະຍອມ ແລະ ອື່ນໆ.
– ທ່ຽວແກ້ງ
ຢູ່ອ້ອມດອນໂຂງລ້ວນແຕ່ມີແກ້ງເປັນຕາທ່ຽວອາບນ້ຳ ພັກຜ່ອນໃນຍາມແລ້ງ ແກ້ງດັ່ງກ່າວບໍ່ຮ້າຍແຮງ ນອກ
ຈາກນີ້ ຍັງມີປາ ມີຫອຍ ໃຫ້ຜູ້ຄົນໄດ້ຊອກ ແຕ່ຄາວກ່ອນຮອດປັດຈຸບັນ ຖ້າໄປຍາມແລ້ງເຈົ້າພາບມັກຊວນໄປ ”ປິກນິກ” ຢູ່
ແກ້ງ ຢູ່ດອນ ເພື່ອກິນເຂົ້າປ່າ.
ການທ່ຽວດອນໂຂງໃຫ້ມ່ວນ ຕ້ອງໄປຍາມລະດູແລ້ງ ແລະ ລາຍການທ່ຽວນັ້ນ ຈະຕ້ອງຕໍ່ໃສ່ທ່ຽວຫຼີຜີ ແລະ
ຄອນພະເພັງ ຈຶ່ງຈະເອີ້ນວ່າສົມບູນແບບ ຕາມຄວາມເປັນຈິງແລ້ວ ແຫຼ່ງທ່ອງທ່ຽວໃນດອນໂຂງ ກໍຕໍ່ດອນຕ່າງໆມີຢ່າງ
ຫຼວງຫຼາຍ ເໝາະສົມກັບຜູ້ເຮັດວຽກໜັກໜ່ວງ ແຕ່ຢາກມາພັກຜ່ອນຊອກຫາມຸມແຫ່ງຄວາມເປັນສ່ວນຕົວ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: