ການເມືອງຕ່າງປະເທດ

ການ​ເລືອກ​ຕັ້ງ​ໃນ ສ. ອາ​ເມ​ລິ​ກາ ແລະ ​ ຈໍ​ເຈຍ

ປະທານາທິບໍດີ ສ. ອາ​ເມ​ລິ​ກາ ຄົນ​ປະຈຸ​ບັນ ຄື​ທ່ານ ບາ​ຣັກ ​ໂອ​ບາ​ມາ ຈາກ​ພັກ ​ເດ​ໂມ​ແກຣດ ກັບ​ຄູ່​ແຂ່ງ​ຊີງ​ທີ່​ນັ່ງ​​ເປັນ​ເຈົ້າການ​ນຳ​ໃນ​ທຳນຽບຂາວ ​ໄດ້​ແກ່​ທ່ານ ມິດ ຣອມນີ ຈາກ​ພັກ ຣີພັບ​ບຣີກັນ ​ໄດ້​ເລີ່​ມ​ເຂົ້າສູ່​ການ​ໂຕ້​ວາທີ​ກັນ​ເປັນ​ເທື່ອ​ທຳ​ອິດ ​ໃນ​ຕອນ​ເຊົ້າຂອງ​ວັນ​ທີ 4 ຕຸລາ​ນີ້ (ຕາມ​ເວລາ​ໃນ​ປະ​ເທດ​ລາວ) ຈາກ​ທັງ​ຫມົດ​ສາມ​ເທື່ອ ​ໂດຍ​ໄດ້​ຮັບ​ການຖ່າຍ​ທອດ​ສົດ​ຜ່ານ​ທາງ​ໂທ ລະພາບ.

ການ​ໂຕ້​ວາທີ​ກັນ​ເທື່ອ​ທຳ​ອິດ​ນີ້ ມີ​ຂຶ້ນທີ່​ນະຄອນ ​ເດນ​ເວີ, ລັດ ​ໂຄ​ໂລຣາ​ໂດ ​ແກ່ຍາວ​ເປັນ​ເວລາ 90 ນາທີ, ຊຶ່ງ​ຕົ້ນຕໍ​ແມ່ນ​ສຸມ​ໃສ່​ບັນຫາ​ການ​ພົວພັນ​ຢູ່​ພາຍ​ໃນ​ປະ​ເທດ, ​ໃນ​ນັ້ນສຸມ​ໃສ່​​ເນື້ອ​ໃນຕົ້ນຕໍ 3 ​ເລື່ອງ ​ໄດ້​ແກ່ ​ເສດຖະກິດ, ການ​ດູ​ແລ​ທາງ​ດ້ານ​ການ​ແພດ, ບົດບາດ ​ແລະ ການ​ຄຸ້ມ​ຄອງ​ຂອງ​ລັດຖະບານ.

ກ່ຽວ​ກັບ​ເສດຖະກິດ, ຕົ້ນຕໍ​ແມ່ນ​ບັນຫາ​ວຽກ​ເຮັດ​ງານ​ທຳ ​ເປັນ​ບັນຫາ​ທີ່​ຖົກ​ຖຽງ​ກັນ​ເຂັ້ມຂຸ້ນ​ທີ່​ສຸດ. ປະທານາທິບໍດີ ​ໂອ​ບາ​ມາ ຍອມຮັບ​ວ່າ ອັດຕາ​ສ່ວນ​ຄົນ​ຫວ່າງ​ງານ​ທີ່​ກ່ວາ 8% ນັບ​ວ່າ​ສູງ, ​ແຕ່​ທ່ານ​ໄດ້​ຖິ້ມ​ໂທດ​ສ່ວນ​ໃຫຍ່​ໄປ​ທີ່​ຄວາມ​ຮັບຜິດຊອບ ​ໃນ​ນະ​ໂຍບາຍ​ຂອງ​ອຳນາດ​ການ​ປົກຄອງ​ຊຸດ​ກ່ອນ ທີ່​ນຳ​ໂດຍ​ພັກ ຣີພັບ​ບຣີກັນ ທີ່​ໄດ້​ຍູ້​ໃຫ້ ສ. ອາ​ເມ​ລິ​ກາ ​ເຂົ້າສູ່​ວິດ​ກິດ​ການ​ຮ້າຍ​ແຮງ ຢ່າງ​ບໍ່​ເຄີຍ​ມີ​ມາ​ກ່ອນ ນັບ​ແຕ່​ເກີດ​ວິ​ກິດ​ການຄັ້ງ​ໃຫຍ່​ເທື່ອ​ກ່ອນ​ເປັນຕົ້ນມາ.

ທ່ານ​ດ້ານ​ທ່ານ ຣອມນີ ​ເວົ້າວ່າ ອຳນາດ​ການ​ປົກຄອງ​ຂອງ​ປະທານາທິບໍດີ ​ໂອ​ບາ​ມາ ​ໄດ້​ປະສົບ​ຄວາມ​ປະລາ​ໄຊ ​ໃນ​ນະ​ໂຍບາຍ​ທາງ​ດ້ານ​ເສດຖະກິດ, ນຳ​ໄປ​ສູ່​ຕຳ​ແຫນ່​ງງານ​ຈຳນວນ​ຫລາຍ​ແສນ​ຕຳ​ແຫນ່​ງສູນຫາຍ​ໄປ ​ໃນ 4 ປີ​ທີ່​ຜ່ານ​ມາ. ທ່ານ ຣອມນີ ​ໂຍນ​ຄວາມ​ຮັບຜິດຊອບ ກ່ຽວ​ກັບ​ຫນີ້ສິນ​ກ່ວາ 16.000 ຕື້ ​ໂດ​ລາ ອາ​ເມ​ລິ​ກາ ທີ່​ມີ​ຢູ່​ໃນ​ປະຈຸ​ບັນສ່ວນ​ຫນຶ່ງ ​ໃຫ້​ແກ່​ແຜນການ​ໃຊ້​ຈ່າຍ​ທີ່​ສິ້ນ​ເປືອງ​ເກີນ​ໄປ​ຂອງ​ທຳນຽບຂາວ, ​ໃນ​ຂະນະ​ທີ່​ທ່ານ ​ໂອ​ບາ​ມາ ພັດ​ກ່າວ​ເຕືອນ​ຜູ້​ມີ​ສິດ​ເລືອກ​ຕັ້ງ ກ່ຽວ​ກັບ​ແຜນ​ນະ​ໂຍບາຍ​ຫລຸດ​ພາສີ​ຢ່າງ​ສະຫມ່ຳສະ​ເຫມີ​ຂອງ​ທ່ານ ຣອມນີ ​ໂດຍ​ໃຫ້​ທັດສະນະ​ວ່າ ວິທີ​ເຮັດ​ຄື​ແນວ​ນັ້ນ ​ແມ່ນ​ເປັນ​ພຽງ​ການ​ຮັກສາ​ໄວ້ ຊຶ່ງ​ລະບອບ​ການ​ເອື້ອອຳນວຍ​ໃຫ້​ແກ່​ຄົນ​ຮັ່ງມີ ທີ່​ເປັນ​ກຸ່ມ​ຄົນ​ສ່ວນ​ນ້ອຍ​ເທົ່າ​ນັ້ນ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: