ກິລາລາວ

 

ວຽກ​ງານ​ກໍ່ສ້າງ​ສະໜາມ-ພື້ນຖານ​ໂຄງ​ລ່າງ ຮອງ​ຮັບ ກິລາ ມ.ອາຊຽນ ມີ​ຄວາມ​ຄືບ​ໜ້າ,
ພ້ອມ​ຂໍ​ເພີ່ມ​ງົບປະມານ​ອີກ 19 ຕື້ກວ່າ​ກີບ

 

 

ກຳມະການ ສ້ອມ​ແປງ​ສະໜາມ ​ແລະ ​ໂຄງ​ລ່າງ​ພື້ນຖານ ໄດ້​ດຳ​ເນີນ​ໄປ​ຢ່າງ​ມີ​ຄວາ​ມຄືບ​ໜ້າ ​ເຊິ່ງສັງ​ລວມທຸກ​ໜ້າ​ວຽກ​​ໄດ້​ກວ່າ 27%, ພ້ອມນີ້ ພາຍຫລັງ​ທີ່​ໄດ້​ມີ​ ການ​ສຳ​ຫລວດ ​ໜ້າ​ວຽກ​ຢ່າງ​ຄັກ​ແນ່ ເຫັນ​ໄດ້​ວ່າ​ມີ​ຫລາຍ​ວຽກ​ເພີ່ມ​ຕື່ມ ທີ່​ບໍ່​ໄດ້​ນອນ​ໃນ​ງົບປະມານ 93 ຕື້ກວ່າ​ກີບ ທີ່​ລັດຖະບານ​ຕົກລົງ​ໃຫ້​ໃນ​ເບື້ອງຕົ້ນ, ດັ່ງນັ້ນ ຈຶ່ງ​ຂໍ​ເພີ່ມ​ງົບປະມານ​ອີກ 19 ຕື້ກວ່າ​ກີບ ຈຶ່ງ​ຈະ​ພຽງພໍ​ກັບ​ຄວາມ​ຕ້ອງການ

 

ຕາງໜ້າ​ໃຫ້ ຄະນະ​ກຳມະການ ສ້ອມ​ແປງ ​ແລະ ​ໂຄງ​ລ່າງ​ພື້ນຖານ ໄດ້​ລາຍ​ງານໃນ​ກອງ​ປະຊຸມ ປະຈຳ​ເດືອນກັນຍາ ຂອງບັນດາ​ກຳມະການ ​ກະກຽມ ການ​ເປັນ​ເຈົ້າພາບ ຈັດ​ມະຫະກຳ ກິລາ​ມະຫາວິທະຍາ​ໄລ ອາ​ຊຽນ ຄັ້ງທີ XVI ທີ່ ສ​ປປ ລາວ ຈະ​ເປັນ​ເຈົ້າພາບ ​ໃນ​ລະຫວ່າງ ວັນ​ທີ 12-20 ທັນວາ ນີ້ ວ່າ: ​ໃນ​ເບື້ອງຕົ້ນ ລັດຖະບານ ໄດ້​ຕົກລົງ ອະນຸມັດ​ງົບປະມານ ໃຫ້​ແກ່ ກຳມະການ ສ້ອມ​ແປງ ​ແລະ ​ໂຄງ​ລ່າງ​ພື້ນຖານ ຈຳນວນ 93 ຕື້ກວ່າ​ກີບ ​ເຂົ້າ​ໃນ​ການ​ປະຕິບັດ 3 ໜ້າ​ວຽກ​ໃຫຍ່ ຄື: ​ໂຄງການສ້ອມ​ແປ​ງ ສະໜາມ​ຝຶກ​ຊ້ອມ-ສະໜາມ​ແຂ່ງຂັນ-ທີ່​ພັກ​ນັກ​ກິລາ, ​ໂຄງການ ປັບປຸງ-ສ້ອມ​ແປ​ງ ລະບົບ​ເສັ້ນທາງ​ພາຍ​ໃນ ວິທະຍາ​ເຂດ​ດົງ​ໂດກ ​ແລະ ​ໂຄງການ ປັບປຸງ ​ເພື່ອ​ຍົກ​ລະດັບ ສະໜາມ​ແຂ່ງຂັນ​ກິລາ​ບານ​ເຕະ ຂອງ ມະຫາວິທະຍາ​ໄລ ແຫ່ງ​ຊາດ ​​ເຊິ່ງທັງ​ 3 ໂຄງການ​ນີ້ ໄດ້​ດຳ​ເນີນ​ມາ​ໄດ້​ໄລຍະ​ໜຶ່ງ ​ເຖິງ​ແມ່ນ​ວ່າ ຈະ​ພົບ​ອຸປະສັກ ​ເນື່ອງ​ຈາກ​ຢູ່​ໃນ​ລະຍະ​ຝົນ​ກໍ​ຕາມ. ແຕ່ການ​ປະຕິບັດ​ວຽກ​ງານ ມີ​ຄວາມ​ຄືບ​ໜ້າ​ໂດຍ​ລວມ ກວ່າ 27%. ສຳລັບ​ງົບປະມານ ທີ່​ໄດ້​ຄິດ​ໄລ່​ໃນ​ເບື້ອງຕົ້ນ ແມ່ນເວົ້າ​ສະ​ເພາະ​ວຽກ​ງານ​ໃຫຍ່ ເຊິ່ງ​ໄດ້​ແບ່ງ​ງົບປະມານ​ຢ່າງ​ລະອຽດ ຄື: ​ໂຄງການສ້ອມ​ແປ​ງ ສະໜາມ​ຝຶກ​ຊ້ອມ-ສະໜາມ​ແຂ່ງຂັນ-ທີ່​ພັກ​ນັກ​ກິລາ ມີ​ມູນ​ຄ່າ 49 ຕື້ກວ່າ​ກີບ, ໂຄງການປັບປຸງ-ສ້ອມ​ແປ​ງ ລະບົບ​ເສັ້ນທາງ​ພາຍ​ໃນ ວິທະຍາ​ເຂດ​ດົງ​ໂດກ ມູນ​ຄ່າ 27 ຕື້ກວ່າ​ກີບ, ສ່ວນ​ງົບປະມານ​ທີ່​ເຫລືອ ​ແມ່ນ​ຈະ​ນຳ​ໃຊ້​ເຂົ້າ​ໃນ ​ໂຄງການປັບປຸງ ​ເພື່ອ​ຍົກ​ລະດັບສະໜາມ​ແຂ່ງຂັນ​ກິລາ​ບານ​ເຕະ ຂອງມະຫາວິທະຍາ​ໄລແຫ່ງ​ຊາດ. ຜ່ານ​ການ​ສຳ​ຫລວດ ​ຕົວ​ຈິ​ງຢ່າງ​ລະອຽດ ​ເຫັນ​ໄດ້​ວ່າຍັງ​ມີ​ຫລາຍ​ໜ້າ​ວຽກ ທີ່​ບໍ່​ໄດ້​ຖືກ​ບັນຈຸ​ເຂົ້າ​ໃນ​ງົບປະມານ, ດັ່ງນັ້ນ ເພື່ອ​ເຮັດ​ໃຫ້​ວຽກ​ທີ່​ຍັງ​ເຫລືອ ສຳ​ເລັດ​ໄປ​ພ້ອມໆ​ກັບ​ວຽກ​ຫລັກ​ນັ້ນ ມັນ​ຕ້ອງ​ ຮຽກຮ້ອງ​ເຖິງ​ງົບປະມານ​ຕື່ມ​ອີກ ປະມານ 19 ຕື້ກວ່າ​ກີບ

 

ການ​ສະ​ເໜີ​ຂຶ້ນ​ແຜນ​ງົບປະມານ​ຂອງ ກຳມະການ ສ້ອມ​ແປງ ​ແລະ ​ໂຄງ​ລ່າງ​ພື້ນຖານ ຍັງ​ຢູ່ໃນ​ຂັ້ນຕອນ​ພິຈາລະນາ​ແກ້​ໄຂ​ຕາມ​ຄວາມ​ເໝາະ​ສົມ ​ໂດຍ​ຈະ​ມີ​ໜ່ວຍ​ງານ​ລົງ​ກວດກາ ​ແລະ ຕິດຕາ​ມອີກ​ຄັ້ງໜຶ່ງ ​ເພື່ອ​ເບິ່ງ​ວ່າ​ວຽກ​ງານ​ໃດ​ມີ​ຄວາມ​ສຳຄັນ ກໍ​ຮີບ​ຮ້ອນ​ແກ້​ໄຂ, ສ່ວນໜ້າ​ວຽກ​ໃດ​ບໍ່​ຈຳ​​ເປັນ​ກໍ​ໃຫ້​ຕັດ​ອອກ​ໄປ

ລາວ ບຽດເອົາຊະນະ ກຳປູເຈຍ 1-0 ຊູຊູກິ ຄັບ 2012

ທີມ​ຊາດ​ລາວ​ຊຸດ​ໃຫຍ່ ອາ​ໃສ​ການ​ຍິງ​ຂອງ ວິ​ໄຊ ຜາ​ພູ­ວະ​ນິນ ໃນ​ນາ­ທີໆ 40 ເປັນ​ຝ່າຍ​ບຽດ​ເອົາ​ຊະ­ນະ​ທີມ​ຊາດ​ກຳ­ປູ­ເຈຍ ໄປ​ແບບ​ຫວຸດ​ຫວິດ 1-0 ເກັບ 3 ແຕ້ມ​ສຳ­ຄັນ​ຂອງ​ນັດ​ທຳ​ອິດ ໃນ​ການ​ແຂ່ງ­ຂັນ​ເຕະ­ບານ​ຊີງ​ແຊັມ​ອາ​ຊຽນ 2012 (AFF Suzuki Cup 2012) ຮອບ​ຄັດ​ເລືອກ ທີ່​ນະ­ຄອນ​ຢາງ​ກຸ້ງ ປະ­ເທດ​ມຽນ​ມາ ລະ­ຫວ່າງ​ວັນ​ທີ 5-13 ຕຸ­ລາ 2012.

ຄວາມ​ເຄື່ອນ​ໄຫວ​ຂອງ​ນັກ​ເຕະ​ທີມ​ຊາດ​ລາວ​ຊຸດ​ໃຫຍ່ ທີ່​ເດີນ­ທາງ​ໄປ​ຮ່ວມ​ແຂ່ງ­ຂັນ AFF Suzuki Cup 2012 ຮອບ​ຄັດ ເລືອກ​ທີ່​ນະ­ຄອນ​ຢາງ​ກຸ້ງ ປະ­ເທດ​ມຽນ​ມາ ຫຼ້າ​ສຸດ​ອີງ​ຕາມ​ເວບ​ໄຊ AFF Suzuki Cup 2012 ລາຍ​ງານ​ໃຫ້​ຊາບ​ໃນ​ວັນ​ທີ 8 ຕຸ­ລາ 2012 ຜ່ານ​ມາ​ວ່າ: ທີມ​ຊາດ​ລາວ ລົງ​ແຂ່ງ­ຂັນ​ນັດ​ທຳ​ອິດ​ຂອງ​ຮອບ​ຄັດ​ເລືອກ​ໃນ​ວັນ​ທີ 7 ຕຸ­ລາ 2012 ກັບ​ທີມ​ຊາດ​ກຳ­ປູ­ເຈຍ ທີ່​ນັດ​ທຳ​ອິດ​ເສຍ​ໃຫ້ ຕີ​ມໍ ເລ​ສ​ເຕ ມາ 1-5 ແນວ­ໃດ​ກໍ​ຕາມ ທີມ​ຊາດ​ລາວ ອາ​ໃສ​ການ​ຍິງ​ຂອງ ວິ​ໄຊ ຜາ​ພູ­ວະ​ນິນ ກອງ​ໜ້າ​ປະ­ສົບ​ການ​ສູງ ໃນ​ນາ­ທີໆ 40 ຊ່ວຍ​ໃຫ້​ເປັນ​ຝ່າຍ​ບຽດ​ເອົາ​ຊະ­ນະ​ທີມ​ຊາດ​ກຳ­ປູ­ເຈຍ ໄປ​ແບບ​ຫວຸດ​ຫວິດ 1-0 ຂະ­ນະ​ທີ່ Sopannha ຂອງ​ກຳ­ປູ­ເຈຍ ຖືກ​ບັດ​ເຫຼືອງ​ທີ​ສອງ​ອອກ​ຈາກ​ສະ­ໜາມ ໃນ​ນາ­ທີໆ 60.

ສຳ­ລັບ​ທີມ​ຊາດລາວ ກຽມ​ລົງ​ສະ­ໜາມ​ນັດ​ຕໍ່​ໄປ​ວັນ​ທີ ຕຸ­ລາ 2012 ພົບ​ກັບ​ທີມ​ຊາດຕີ​ມໍ ເລ​ສ​ເຕ ເວ­ລາ 18:00 ໂມງ ວັນ​ທີ 11 ຕຸ­ລາ2012 ພົບ​ກັບ​ທີມ​ຊາດບຣູ​ໄນ ເວ­ລາ 15:00 ໂມງ ແລະ ນັດ​ສຸດ​ທ້າຍ​ວັນ​ທີ 13 ຕຸ­ລາ 2012 ພົບ​ກັບ​ທີມ​ຊາດມຽນ​ມາ ເວ­ລາ 15:00ໂມງ ຊຶ່ງ​ກອງ​ເຊຍ​ຢູ່​ທາງ​ບ້ານ ສາ­ມາດ​ຮັບ​ຊົມ​ການຖ່າຍ​ທອດ​ສົດ​ຜ່ານ​ໂທລະ­ພາບ​ແຫ່ງ​ຊາດ ໄດ້​ທຸກ​ນັດ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: